Fastelavn...er mit navn...

Jamm...eða bara öskudagur.

Gleðilegan öskudag, elskurnar mínar, nær og fjær.

Jóhannes fór í leikskólann í morgun, í Tomma&Jenna náttfötunum sínum.  Ég ætla ekki að tjá mig um þetta mál að á leikskólunum megi ekki koma í grímubúning...!!  Búin að gremjast yfir því áður og nenni því ekki meir!!  Eftir þennan öskudag eigum við bara eftir einn leikskólaöskudag!! Spáið í það...úff...bráðum fer að ljúka leikskólatímanum hjá okkur!!!  Reyndar 1½ ár í það...en eins og tíminn flýgur...!!  

Nóg um það. 

Hér myndir af stóru börnunum á leið út í bæ að syngja og tralla í fyrirtækjunum!

Athugasemdir

[Gunnar Helgi Eysteinsson, 6.2.2008 kl. 10:09]

[Ásdís Sigurðardóttir, 6.2.2008 kl. 10:16]

Ég spyr nú eins og bjáni, má ekki komi í öskudagsfötum á leikskólann?  hversvegna? ég hélt einmitt að þetta væri barnahátíð. Vona að börnin þín skemmti sér vel í dag.

[SigrúnSveitó, 6.2.2008 kl. 10:21]

Já, þau er flott! :)

Nei, það má ekki koma í öskudagsfötum í leikskólann og hefur ekki mátt síðan nítjánhundruðáttatíuogeitthvað!  Það verður víst of mikil samkeppni...er mér sagt...foreldrar tryllast, sérpanta föt frá USA og bla bla bla..."barnið mitt á sko að vera FLOTTAST!!"

Eða mér er sagt að þetta séu rökin...!!

Það mikilvægasta fyrir mig í dag er að Jóhannes var AL-SÆLL að fara í náttfötunum í leikskólann ;) 

[Bjarney Hallgrímsdóttir, 6.2.2008 kl. 10:58]

Börnin flott hjá þér hérna á Esk mega börnin koma í búningum en ég held að það hafi ekki alltaf verið svoleiðis, minnir að einhvern tímann hafi það einmitt bara verið náttfötin... sem mér finnst asnalegt, þetta er einmitt dagur barnanna, og punktur með það...

Ég sakna þess að dressa minn einkason upp og fara með hann, þetta er svo skemmtilegur tími. En alveg að verða 15 ára, nei takk, ekki að ræða það... fékk að heyra það í gær þegar ég spurði hvort hann ætlaði ekki að drífa sig

En fór í bæinn í morgun og sá nokkur flott kríli að syngja í búðinni...frábært bara

[jóna björg (IP-tala skráð) 6.2.2008 kl. 13:01]

flott eru þau, syngja í fyrirtækjum? hvernig er þetta á íslandi núna? engir öskupokar eins og í gamla daga?

[Guðrún Jóhannesdóttir, 6.2.2008 kl. 13:06]

skrýtin ákvörðun!

Hef unnið á leikskóla og þetta var þá a.m.k. einna mest spennandi dagur ársins, fann aldrei samkeppni, bara gleði.

[Jóna Harpa (IP-tala skráð) 6.2.2008 kl. 13:35]

Sæl Sigrún rambaði hérna inná bloggið hjá þér.........sá uppskriftina af bananabrauðinu. Þetta agave sem þú notar í staðin fyrir sykur, er það sætu efni. Ég á nefnilega eina 5 ára dömu sem er með diabetes (finnst sykursjúkur ljót orð og gefa ranga mynd af sjúkdómnum) ef þetta er eitthvað sem ég get notað heldurðu þá að þetta sé til í Danmörku, við búum þar núna. Ef þú ert með eitthvað fleira sem ég gæti notað þá máttu endilega deila boðskapnum.  
Þetta er orðið svo langt hjá mér hefði kannski bara átt að senda þér mail..........
Ég á eftir að kíkja oftar í heimsókn, gaman að lesa blogg hjá þeim sem tala frá hjartanu!!

Hafðu það sem best!
Kv. Jóna Harpa (að austan)

ps. algjörlega sammála þér með leikskólana og náttfötin......alveg fáránlegt!!

[Hugarfluga, 6.2.2008 kl. 20:01]

Sætir krakkar!!

[Jóhanna (IP-tala skráð) 6.2.2008 kl. 20:20]

Agave sírópið er t.d. stundum hægt að fá í Naturkost hérna inni í bæ. Hér er staðsetningin http://maps.google.dk/maps?hl=da&um=1&ie=UTF-8&q=Naturkost&near=Odense&fb=1&cid=0,0,7839591086230384339&sa=X&oi=local_result&resnum=1&ct=image

Þekki ekki aðrar heilsubúðir hérna í Odense og nágrenni. Varð aðeins að blanda mér í málið þar sem við Jóna Harpa erum næstum því nágrannar