Dagurinn í dag

Fór á fætur með skólabörnunum og síðan skriðum við upp í aftur, ég og Jóhannes.  Hann horfði á eina mynd meðan ég dottaði.  Ekki hægt að sofna fast við hliðina á honum, því hann er alltaf að knúsa mig og kyssa, sem er bara yndislegast

Við fórum svo að versla og heim að borða hádegismat.  Það nýjasta hjá strákunum er brauð með osti, tómatsósu og SS pylsum.  Jón Ingvi vill helst danskt rúgbrauð - mørk maltet fra COOP - en hann var svo heppinn að Tinna vinkona mín sendi honum eitt stykki með jólagjöfunum!!  Mikil sæla!  

Hringdi í Lilju sys.  Alltaf svo hressandi að heyra í henni, hún er ofur-virk og aldrei lognmolla kringum hana.  Vorum að ræða væntanlega fermingu og það sem henni tengist.

--

Ég prjónaði hatt í gærkvöldi (þennan hvíta á myndinni), hann er núna í þvottavélinni í þæfingu...spennandi að sjá.  Er reyndar búin að setja hann eina ferð í þvottavélina en hann þæfðist ekki nóg.  Nú fékk hann lengri þvottatíma...svo við sjáum hvað gerist!  Mjög spennó.  Ég ætla reyndar að sleppa þessu gráa sem er á myndinni.  Kann ekkert á þæfingarnál og eitthvað svoleiðis...

Svo er ég búin að finna peysuna sem mig langar að prjóna mér.  Hún er hér (þarf að klikka á bls. 30-31), þessi bláa með hettunni (sem strákurinn er í, hún er til í barna- og fullorðinsstærðum).  Ég ætla reyndar að prjóna hana úr lopa en er ekki búin að ákveða litinn.  Mér finnst hún mjög flott, og er sérstaklega veik fyrir hettunni!!!  

Hins vegar held ég að ég þurfi að fara að gera prufa varðandi þetta að prjóna uppí rúmi og hvað ég er alltaf stífluð í nefinu...kannski er ég stífluð af loparykinu...er að spá í að prófa að taka ofnæmispilly fjótlega...

Annars fann ég þokkalega fyrir ilmefnaofnæminu í nótt og morgun.  Einar þvoði sér með sápunni sem Norðurál skaffar, eftir kvöldvaktina í gær.  Venjulega er hann með Neutral sápu sem við kaupum sjálf...en hún var búin.  Hann angaði langar leiðir...eða ég fann lyktina langar leiðir.  Og í morgun meira að segja klæjaði mig...sem er nýtt.  Það var verið að benda mér á að tala við ofnæmislækni þar sem þetta ilmefnaofnæmi mitt er að versna...kannski ég finni mér einn...vitiði um einhvern góðann???????

--

Jæja, ætla að gera eitthvað...já, kannski kíkja á þæfingarverkefnið mitt...

Knús&kossar... 

Athugasemdir

[Jóhanna (IP-tala skráð) 11.1.2008 kl. 15:39]

Ég á mér þann draum að verða e-n tíman eins myndarleg og þú (-og Salný og Úrsúla...). Það er ekkert svalara en að geta bara prjónað það sem mann langar til. Annars hjómar það alveg hræðilega að vera með svona ilmefnaofnæmi, sviði, höfuðverkur, kláði og allavegana einkenni. Það er líka svo erfitt að komast hjá því að umgangast fólk með ilmefni (get ég ímyndað mér) Ég er ekki með neitt ofnæmi en mér finnst svitalykt og hvítlaukslykt mun skárri heldur en margar "góðu lyktirnar". Kær kveðja úr gráa rigningarveðrinu í Odense:)

[Hrönn Sigurðardóttir, 11.1.2008 kl. 17:49]

 Þekki engan ofnæmislækni - desverre.....

[Ásdís Sigurðardóttir, 11.1.2008 kl. 19:44]

Geggjaður hattur, þú verður að setja inn mynd af þér með hattinn þegar hann er tilbúinn.  Kíktu á ja.is og flettu upp ofnæmislækni, betra að komast að þessu sem fyrst svo þú þurfir ekki að fá þessi ofnæmisköst, hef heyrt að þau séu erfið, ofnæmi er eitt af því sem ég hef sloppið við hingað til sjö-níu-þrettán.  Hafðu það gott mín kæra.

[Birna Dis Vilbertsdóttir (IP-tala skráð) 11.1.2008 kl. 20:13]

Flottur hattur.Innlitskvitt

[Dísa Dóra, 12.1.2008 kl. 19:18]

Besti ofnmæmislæknir landsins
 Unnur Steina Björnsdóttir Læknasetrið ehfÞönglabakka 6
109 Reykjaví[e-mail] 535 7700Kort  Tímapantanir mánud. - fimmtud. kl 9-17       föstudaga kl. 9-16       Netfang vegna tímapantana [e-mail]     - heima Vesturströnd 27 x 552 8187     Sérgrein: Lyflækningar, ofnæmis- og       ónæmissjúkdómar

[SigrúnSveitó, 12.1.2008 kl. 19:34]

Takk stelpur.

Og kærar þakkir Dísa Dóra.  Ég ætla að hringja í þessa konu!