Kannski ég bloggi smá...

...hef samt ekkert að segja...

Var að vinna í dag.  Stelpurnar í vinnunni fengu þvílíku lofræðuna um mig og minn elskulega eiginmann... Það var ein kona okkur nákomin sem hélt heljarinnar lestur um okkur...og þóttust stelpurnar fá ofbirtu í augun þegar ég birtist...  En það er nú voða gaman að vita að þessi tiltekna kona er svona yfir sig stolt af okkur og ánægð með það sem við erum að bralla í lífinu.  Mér þykir vænt um það.

Hérna heima voru allir þreyttir...og erum við hjónakorn þreytt enn...  Strákarnir náðu að slappa vel af yfir Disneyshowinu á DR1 og ætluðu aldrei að ná sér niður áðan...búnir að vera í grátleik inni í rúmi (þið vitið...svona æsings-leik sem er ROSA skemmtilegur...þangað til allt í einu þegar einhver meiðir sig og fer að gráta).  Það endaði með að Jóhannes grét...en núna held ég að þeir séu sofnaðir...amk. þagnaðir...og þó...heyrist ég heyra hvísl...

Einar er loks búinn að loka húsinu alveg.  Náði að loka þakkantinum og kitta í gluggana, svo nú ætti að hætta að leka.  Það hefur ekki viðrað til útivinnu...þið vitið...lognið alltaf á fleygiferð...en hann lét sig hafa það í dag og vatt sér upp á þak.  Þessi elska.  Jiiii, hvað mér finnst hann duglegur.  Ég er sko líka að rifna úr stolti yfir honum!!!  

Þess vegna ætla ég núna að hætta að blogga og fara og leggjast í arm...og glápa á imbann með honum

Lov jú gæs!! 

Athugasemdir

[Ásdís Sigurðardóttir, 4.1.2008 kl. 22:20]

Þið eruð nú líka örugglega alveg frábær. það er alltaf gott á fá jákvæðar strokur, létta manni lífið.  Þið verðið að hvíla ykkur vel um helgina, ekki spurning. Dekra við hvort annað.  smjúts

[Guðrún Jóhannesdóttir, 4.1.2008 kl. 23:24]

[Steinunn Helga Sigurðardóttir, 5.1.2008 kl. 16:23]

lát Ljósið þitt skína kæra sveitakona!

AlheimsLjós til þín

Steina

[Hugarfluga, 5.1.2008 kl. 17:15]

Það er gott að eiga góðan mann ... ómetanlegt. Vona að þú eigir góðar helgarrest, Sigrúnin mín.