Þegar ég var ung...eða sko yngri...!!

Í "gamla daga" var ég alltaf í miklum tilfinningarússíbana á þessum árstíma.  Ég var ekki hamingjusöm, leið reyndar lengi vel mjög illa í hjartanu mínu og það gerði jólin og aðventuna hræðilega.  Skilaboðin frá samfélaginu eru einhvernveginn að; "nú er aðventa/jól og þá eru allir glaðir, allir með fjölskyldunni og eintóm hamingja"....og þegar mér leið sem verst þá var þetta skelfilegt og gerði mína vanlíðan enn augljósari.

Ég fékk alltaf þráhyggju fyrir einhverjum karlmanni í kringum jólin...hélt ég væri ástfangin...en hef síðar komist að því að þetta var "bara" þráhyggja (getur verið þokkalega slæmt tilfelli...).  Nema hvað, "Last Chrismas" með Wham var MITT lag!!  

Mér finnst þetta lag alltaf jafn krúttlegt og tilheyra jólunum.  Það minnir mig á hveru illa er hægt að líða, og það minnir mig sannarlega á hversu lánsöm ég er.  Ég fann leið út úr myrkrinu og í dag er skín sólin í lífi mínu, í hjarta mínu.  Fyrir það er ég svo óendanlega þakklát.

Ég ætla að kveðja ykkur í kvöld með þessu: 

Athugasemdir

[Hrönn Sigurðardóttir, 5.12.2007 kl. 07:36]

 Þú ert yndisleg

[Ragnhildur frænka (IP-tala skráð) 5.12.2007 kl. 08:39]

Ég held fyrir marga af okkar kynslóð þá er "Last Christmas"  THE  jólalagið .. hehehe   Kjútt lag :)

[Ásdís Sigurðardóttir, 5.12.2007 kl. 11:44]

Þú ert nú algjör draumur.  Ég vona að sonur minn geti sagt eftir nokkur ár það sama og þú, að jólin séu gleðileg. Hann er ekki sáttur við jólin og er þunglyndur en ég bið og vona að Götusmiðjan hjálpi honum, en svo verður hann líka að hjálpa sér sjálfur eins og þú hefur gert, 90 % er maður sjálfur held ég.  Kær kveðja til þín.

[SigrúnSveitó, 5.12.2007 kl. 12:54]

Stundum er ég hrædd um að segja of mikið...en svo fæ ég svona viðbrögð frá ykkur og sé að það er meira en þess virði. 

Ásdís, ég vona líka innilega að sonur þinn nái sér á strik, og finni hamingjuna.  En það er rétt sem þú segir, það er undir manni sjálfum komið að vinna vinnuna. 

[Salný (IP-tala skráð) 6.12.2007 kl. 11:07]

Sammála þessu með last Christmas.. það er jólalagið.. en ég tengi það bara við eitthvað gott og gaman.. fæ bara einhvern svona notalegan nostalgíuhroll þegar ég heyri það.. alveg þangað til ég sé myndbandið, þá fæ ég aulahroll.  mér  finnst þessi tími æði. Reyndar langt síðan ég hef notið hans í botn eins og ég geri núna en ég vona nú bara að sem flestir finni það hjá sér og líði vel.