Lífið er svo yndislegt!!

Var að lesa komment frá vinkonu minni á danska blogginum mínu...og fékk tár í augun og "klúmp í halsen"...kökk í hálsinn, heitir það víst.  Vá, hvað ég sakna hennar...og margra annara.  Og þess vegna þykir mér lífið yndislegt, því ég er svo lánsöm að "eiga" marga vini, marga í Danmörku.  Ef ég "ætti" ekki þessa vini þá myndi ég ekki sakna þeirra, svo það er gott að sakna þó það geti verið sárt.

Í vinnunni í gær var ég að ganga um eftir hádegismatinn og bjóða kaffi...og sönglaði; "Kaffi, kaffi, kaff, kaff...má bjóða þér kaffi" og þá segir einn íbúinn við mig; "Já, takk, og viltu syngja meira?".  Ég fór alveg í flækju...hahaha...en get þó með ánægju sagt að ég syng mikið, og alveg slatta í vinnunni líka.  Sérstaklega yfir morgunmatnum...þá hlustum við oft á geisladiskinn "Óskalög sjómanna" og þá get ég ekki staðið kyrr og þagað neibb, ég verð að syngja með og dilla mér. 

Já, það er sko gaman að lifa.

Gleðisöngurinn hljómar í höfðinu á mér;

Gleði, gleði, gleði,
gleði líf mitt er,
því að Æðri Máttur það gefið hefur mér.
Ég vil að þú eignist þetta líf,
því að það er;
GLEÐI, GLEÐI,
gleði alla tíð.

---

Var að koma heim úr ræktinni.  Ég er komin með "ræktarvin", ein sem vinnur með mér.  Mjög gaman að hafa einhvern með.  Setjumst niður eftir ræktina og drekkum kaffisopa og ræðum lífsins gögn og nauðsynjar Oooohhh, ég elska að kynnast nýju fólki.  

Það að elska að kynnast nýju fólki er einmitt hluti af þessu gleðilífi sem ÆM hefur gefið mér, því áður var ég svo hrædd að ég þorði ekki að kynnast fólki...var hrædd um að vera ekki nógu góð, hrædd um að fólki mislíkaði ég eða það sem ég gerði eða sagði...  

Þannig er það ekki lengur og fyrir það er ég SVO MIKIÐ þakklát fyrir.  Yndislegt líf.

Ást og friður til ykkar allra þarna úti

 

Athugasemdir

[ingvar (IP-tala skráð) 7.11.2007 kl. 14:15]

Þetta er snilld!!!!!! það er svo gaman þegar öðrum líður vel.

Fyrir utan að þetta er allveg bráðsmitandi. Kv úr haf ingvar a 

[jóna björg (IP-tala skráð) 7.11.2007 kl. 16:34]

[Hrönn Sigurðardóttir, 7.11.2007 kl. 17:17]

Gott að þú ert hamingjusöm. Það er alltaf gott þegar fólk "nálægt" manni er hamingjusamt.....

... gerir mitt hjarta glatt

Flott nýja myndin af þér!

[Ásdís Sigurðardóttir, 7.11.2007 kl. 20:16]

Hæ skvís.  Sem betur fer er lífið oftast yndislegt, með svona smá frávikum en þá er líka svo gott að lesa svona jákvæða pistla eins og frá þér gullið mit.  Knús og allt til þín.

[Guðrún Jóhannesdóttir, 8.11.2007 kl. 00:09]