Pabbi minn

Elsku pabbi minn á afmæli í dag.  Var að tala við hann.  En þú færð samt afmæliskveðju hérna líka, pabbi minn, því ég veit þú lest bloggið

Þessi mynd er tekin á útskriftardaginn minn í sumar.

Mér finnst ég svo rík að eiga svona yndislegan pabba, sem alltaf er til staðar fyrir mig og fjölskylduna mína.  Síðustu 8 ár hefur sambandið milli mín og pabba þróast og orðið meira náið en það var áður og mér finnst það yndislegt og ég er svo þakklát fyrir það.  Börnin mín dýrka Jóhannes afa og það er alltaf mikil gleði þegar von er á honum, og sem betur fer kemur hann töluvert til okkar og er helgi og helgi.  

Ein fyrsta minningin mín um pabba er þegar ég var að verða 3ja ára.  Við vorum í útilegu norður í landi og ég þurfti að pissa... Og litla prinsessan vildi pissa í poll og hvergi annarsstaðar!!  Pabbi leyfði mér það, hélt á mér yfir pollinum, en til að ég næði nú að pissa í pollinn þá varð pabbi að stíga á stein úti í pollinum...

...steinninn var ekki fastur...og við duttum bæði í pollinn!!!  

Ef ég man rétt þá varð ég að fara í föt af mömmu eða pabba þar til við komum aftur í tjaldið þar sem farangurinn var!!!

Síðan þessi minning var sköpuð hafa margar aðrar orðið til, og varðveiti ég þær vel.  

Elsku pabbi, takk fyrir að vera til, þú ert bestur!!

Athugasemdir

[Hrönn Sigurðardóttir, 3.10.2007 kl. 21:28]

jááááááá það var þessi sem mér fannst ég eitthvað kannast við......    Til hamingju með pabba þinn

[SigrúnSveitó, 3.10.2007 kl. 22:04]

??  Kannastu við hann?? Eins og litla sys sagði eitt sinn; "pabbi er heimsfrægur á Íslandi"!!

Takk

[Bergþóra Guðmunds, 4.10.2007 kl. 20:27]

æ,eg gleymdi að óska honum til hamingju,,til hamingju með hann.

knús,þin föðursystirdóttir hehe