Hinn stóri sannleikur

Fátækt eða ríkidæmi?

Dag nokkurn tók mjög efnaður maður son sinn með sér í ferð út á land í þeim tilgangi að sýna honum hvernig fátækt fólk býr.

Þeir dvöldu tvo daga og nætur á sveitabýli sem myndi teljast fátæklegt.

Á leiðinni til baka spurði faðirinn son sinn hvernig honum hafi þótt ferðin.

"Hún var frábær Pabbi."

"Sástu hvernig fátækt fólk býr?" spurði faðirinn.

"Ó já," sagði sonurinn.

"Jæja, segðu mér, hvað lærðir þú af þessari ferð?" spurði faðirinn.

Sonurinn svaraði:

"Ég sá að við eigum bara einn hund en þau eiga fjóra.

Við eigum sundlaug sem nær útí miðjan garð en þau eiga læk sem engan enda tekur.

Við erum með innflutt ljósker í garðinum en þau hafa milljón stjörnur á næturnar.

Veröndin okkar nær alveg að framgarðinum en þau hafa allan sjóndeildarhringinn.

Við eigum smá blett til að búa á en þau eiga akra sem ná eins langt og augað eygir.

Við höfum þjónustufólk sem þjónar okkur en þau þjóna öðrum.

Við þurfum að kaupa okkar mat en þau rækta sinn.

Við erum með háa girðingu til að verja okkur en þau eru umkringd vinum sem verja þau. "

Faðir drengsins var orðlaus.

Þá bætti sonurinn við:

"Takk Pabbi, fyrir að sýna mér hve fátæk VIÐ erum."

Athugasemdir

[Guðrún Jóhannesdóttir, 19.9.2007 kl. 10:17]

þessi saga finnst mér alltaf jafngóð :)

[Ásdís Sigurðardóttir, 19.9.2007 kl. 14:55]

Já, þetta er frábær saga. :-) dagur brossins

[Gíslína Erlendsdóttir, 19.9.2007 kl. 15:05]

Senda þetta á "ríka fólkið", sumt af því þyrfti að lesa þetta á hverjum degi.

[jóna björg (IP-tala skráð) 19.9.2007 kl. 20:13]

góð saga :) heimurinn er víst eins og við veljum að sjá hann.

[María Katrín (IP-tala skráð) 19.9.2007 kl. 20:27]

Það komust litlir puttar í myndavélina og ef ég þekki sjálfa mig rétt mun taka einhverja mánuði að koma henni í viðgerð.

Fínar skírnarmyndirnar

knús 

[Hrönn Sigurðardóttir, 19.9.2007 kl. 21:56]

 Þörf áminnning

[Hófý Sig (IP-tala skráð) 20.9.2007 kl. 00:07]

Fallegur boðskapur þarna á ferð, og ótrúlega mikill sannleikur  Það sem skiptir máli er að rækta sinn eiginn garð og njóta þess sem maður hefur  Knús til þín

[Magnús Þór Ásgeirsson (IP-tala skráð) 21.9.2007 kl. 10:06]

Sæl Sigrún
Einhver röð tilviljana sendi mig á þessa slóð, ég var að leyta að öðru, en sagan er frábær og líklega það sem ég þurfti að lesa í raun og veru. Takk