hahaha!!!

Þrír synir afar guðhræddrar móður fóru að heiman til að spreyta sig á lífinu.
Allir áttu þeir miklu láni að fagna og græddu peninga í stórum fúlgum.
Að mörgum árum liðnum hittust þeir og ræddu meðal annars um gjafirnar
sem þeir höfðu sent aldraðri móður sinni.

„Ég reisti henni mömmu myndarlegt hús," sagði sá fyrsti.

„Ég sendi henni eitt stykki Mercedes Benz með bílstjóra," sagði annar.

„Ég gerði enn betur," sagði sá þriðji. „Þið munið hvað mamma hafði mikla unun
af að lesa Biblíuna og að hún er farin að missa sjón.
Þess vegna sendi ég henni stóran, brúnan páfagauk sem kann hana alla utan að.
Það tók tuttugu presta tólf ár að kenna páfagauknum þetta.
Verkefnið kostaði milljón dollara á ári, en það var þess virði.
Mamma þarf ekki annað en að nefna rit, kafla og vers
og þá fer páfagaukurinn með textann."

Skömmu síðar sendi móðirin sonum sínum þakkarbréf.

Til fyrsta sonarins skrifaði hún:
„Kæri sonur! Húsið sem þú byggðir er risastórt.
Ég bý aðeins í einu herbergjanna en þarf að þrífa allt húsið."

Sonur númer tvö fékk eftirfarandi bréf:
„Elskaði sonur! Ég er orðin alltof gömul til að ferðast.
Ég er alltaf heima og nota Bensinn aldrei. Bílstjórinn er óttalegur dóni."

Þriðja syninum sendi móðirin þessi skilaboð:
„Yndislega afkvæmi! Þú varst eini sonurinn sem gerðir þér grein fyrir
hvernig ætti að gleðja hana móður þína.

Kjúklingurinn var hreinasta hnossgæti!"

 

Athugasemdir

[Guðmundur Rafnkell Gíslason, 13.9.2007 kl. 16:08]

Hæ Sigrún. Ég þakka gott komment á blogginu hjá mér. hafðu það sem best. Sjáumst!

[Dabban, 13.9.2007 kl. 21:28]

hehe

[Hugarfluga, 13.9.2007 kl. 22:27]

[ragnhildur frænka (IP-tala skráð) 14.9.2007 kl. 12:49]

hahahaha!  Góða helgi ;)

[Elín Eir (IP-tala skráð) 14.9.2007 kl. 13:49]

Ég veit þú hefur ekkert sérstaklega gaman af tónlist, sérstakl.ekki háværri ;) en þú verður að hlusta á þennan óð til Bush Bandaríkja forseta. Grátlegt og hrikalega flott hjá henni Pink

http://www.youtube.com/watch?v=6DEh0eSpNvY

Knús í hús, og til hamingju með söluna, frábært.