Ormurinn okkar

11.9.2007 | 08:20

Jóhannes reynir að stjórna okkur foreldrunum, og systkinunum. Hann komst lengi vel upp með það, ef hann vildi eitthvað sem systkini hans voru með þá öskraði hann og þau létu hann hafa hlutinn...ekki gott. En þau nenntu ekki að hlusta á hann orga, svo hann gat notað þetta "verkfæri".

Svo fórum við að taka á þessu s.l. vetur. Núna notar hann fýlu. Alveg magnað hvað þessi annars endalaust glaðlyndi drengur getur farið í heiftarlega fýlu. Yfirleitt fær hann nú bara að eiga sig í sinni fýlu...

Áðan var pabbi hans að fara upp í lóð og ætlaði að keyra hann í leiksskólann í leiðinni. Minn maður var ekki sáttur. Hann vildi að ég myndi "skukla" honum í leikskólann. Fór í þessa líka brjáluðu fýlu...en við vorum ekki á því að láta hann stjórna...

Ég reyndi að klæða hann í útiföt og skó...sem hann tætti af sér jafn óðum, hann neitaði að standa í lappirnar... Það endaði með að pabbi hans tók hann eins og kartöflupoka yfir öxlina og föt og skó í hina hendina. Jóhannes orgaði á leiðinni út í bíl!! Og mér varð illt í hjartanum. Finnst erfitt að knúsa þau ekki þegar þau gráta, þessar elskur allar. Beit í vörina og gerði ekkert.

Við neitum að tipla í kringum hann á tánum, og við neitum að láta hann komast upp með að stjórna svona. Það er alltof mikil ábyrgð fyrir þennan litla orm að stjórna heiminum...þó hann haldi að hann vilji það Wink

Jamm, þetta var morgunhugleiðingin...eða morgunbloggið...eða eitthvað.

Ást&kærleikur...

Flokkur: Bloggar | Facebook

Athugasemdir

Mikið er ég stolt af þér. Svona á að meðhöndla málin ekki spurning. Það er börnunum fyrir bestu að vera stjórnað á ákveðnum aldri, þau hafa ekki þroska sjálf. Þetta skilar sér í betri og ánægðari börnum. Haldið ykkar striki þetta verður bara léttara. :):)

Ásdís Sigurðardóttir, 11.9.2007 kl. 13:29