Í rigningu ég syng...

...í rigningu ég syng, það er yndislegt veður og mér líður vel.

Jamm, það er grenjandi rigning.  En það er allt í lagi, við hlupum bara hratt út í bíl í morgun!!  Blotnuðum samt smá.  En það er sko kominn tími á að vökva þennan landshluta eftir alla sólina í sumar.  

Ég er að gæla við hugmyndina um að leggjast í heitt bað með DeepHeat freyðibaði og láta líða úr mér...og skríða svo kannski undir sængina og hvíla mig aðeins.  En fyrst verð ég að hengja upp þvottinn.  Og svo var Jóhannes að erfa æðisleg föt, flottar íþróttabuxur og mjög fína peysu.  En sá/sú sem hefur átt þetta síðast hefur þvegið þvottinn sinn með þvottaefni/mýkingarefni sem ilmar/lyktar LANGAR LEIÐIR!!   Jóhannes mátaði þetta í morgun og fannst hann ansi fínn...svo þefaði hann af fötunu og sagði; "Það er alltof mikil lykt"!!!  

Ég ætla ekkert að fara út í langa umræðu um ilmefni...bara segja að mér þykir kjánalegt að nota mýkingarefni og þvottaefni með ilmefnum, sérstaklega í þvott barna.  Því það er sannað að börn eru viðkvæmari fyrir og fá auðveldar ofnæmi, eins og t.d. ilmefnaofnæmi sem er mjög hvimleitt ofnæmi (þekki það vel af eigin reynslu).  

Ekki orð um það meir... 

Athugasemdir

[Jóhanna (IP-tala skráð) 3.9.2007 kl. 10:12]

Ég skil svo vel að of mikill ilmur fari í ykkur og marga aðra. Það er mjög mikil umræða hér í DK um alls konar "kemikalier" sem líkaminn tekur upp og eru óholl. Mér hefur alltaf fundist mýkingarefni vera ofaukið og eftir að hafa notað ilmefnalaust þvottaefni í yfir ár þá finnst mér óþægilegt að nota þetta venjulega. En ég játa það nú samt að ég er veik fyrir sumri góðri lykt og tek góðar rispur í að maka á mig kremum:) En ég veit líka að fólki sem er með ofnæmi líður alveg hræðilega að vera í námunda við lyktandi fólk:(

[jóna björg (IP-tala skráð) 3.9.2007 kl. 10:12]

já, ég er orðin antí mýkingarefna kona, kafna þegar ég finn slíka likt og er hún þá alltaf allra sterkust af börnum= furðulegt, hræðilegt. Meiraðsegja þegar ég notaði mýkingarefni þá var það svooo lítið, en þetta er bæði ofnæmisvaldur og slæmt fyrir umhverfið. Í dag er ég meðvituð!! Vona að aðrir fylgja okkur og verði meðvitaðir.

ást til þín mín kæra

[Hrönn Sigurðardóttir, 3.9.2007 kl. 11:27]

Nota adrei mýkingarefni.........

[SigrúnSveitó, 3.9.2007 kl. 11:40]

Jamm, mér líður ekki vel nálægt lyktandi fólki. Í gær t.d. fengum við góða gesti en ég varð að taka ofnæmistöflu v. ilmefna (sennilega mýk.efna). 

Það er gott að vera meðvitaður, og ég tek undir með þér, vonandi "vakna" sem flestir.

Fyrir ykkur dönsku, ég notaði alltaf edik í þvottinn.  Er bæði mýkjandi og svo líka gott fyrir þvottavélarnar út af kalkinu. 

[Jóhanna (IP-tala skráð) 3.9.2007 kl. 12:08]

En hvað með lyktina af edikinu, verður ekki sterk ediklykt af þvottinum? Annars bý ég við svo mikinn lúxus að hafa aðgang að þurrkara þannnig að þvotturinn verður mjúkur og "straujaður" eftir meðferðina þar. Það er tæki sem ég ætla helst ekki að vera án í framtíðinni.

[SigrúnSveitó, 3.9.2007 kl. 12:18]

Ég var einmitt hrædd við lyktina af edikinu, en hún kemur ekki í gegn. Svo þvotturinn er alls ekki ediklyktandi.  Snilld til að verja þvottavélina gegn kalkinu í Dk.

Ég var með þurrkara en prófaði að sleppa honum síðasta árið í Dk (því við fengum svo háan eftir-á-rafmangs-reiking árið á undan... Og úr því að mér tókst að komast gegnum heilt RAKT ár í Danmörku, þá ákvað ég að ég gæti sannarlega lifað án þurrkara hérna á Íslandi. Og ég sakna þess ekkert. Þegar ég var með þurrkara þá voru alltaf stórar hrúgur af hreinum, ósamanbrotnum þvotti, en núna brýt ég saman jafn óðum og ég tek niður. Og þetta verður enn meiri lúksus þegar við verðum flutt í húsið og þvottahúsið verður komið í gagnið - allir fataskápar í þvottahúsinu ;)
Hins vegar sakna krakkarnir MJÚKU þurrkara handklæðanna ;) 

[Ásdís Sigurðardóttir, 3.9.2007 kl. 13:58]

Hér á Selfossi er ósköp milt veður, smá rigning og þoka. Bara kósí að hanga inni og tölvast. Smá ilmur finnst mér góður en ég spara bæði sápu og ilm, það þarf ekki svo mikið.

[Gunnar Helgi Eysteinsson, 3.9.2007 kl. 17:36]

Flott veður í Svíþjóð (Jöknköping)

[Þóra (IP-tala skráð) 3.9.2007 kl. 17:59]

Hæ..

ég tek undir með ykkur að sleppi eigi mýkingarefninu... er með ofnæmi fyrir því og mörgu öðru... sem allt byrjaði út frá bráðaofnæmi fyrir þvottaefni!!!

en var annars að velt fyrir mér hvort við ættum ekki að hittast??

er með síma 6626416 og annars er hægt að senda mér mail í gengnum síðuna mína;o)

knús Þóra... venjulega kastrup en nú á skaganum

[Kokkurinn Ógurlegi, 3.9.2007 kl. 18:18]

hvað er hægt að tala mikið um mýkingarefni :-)  knus og kram

[Jónas (IP-tala skráð) 4.9.2007 kl. 21:44]

Kæru vinir takk fyrir síðast.  Galdradrykkurinn kom sér afar vel.  Frábært að lesa af upplifun fjölskyldunnar af tónleikunum hérna á bloggnum og sérstaklega af snillanum honum Jóhannesi og uppáhaldslaginu hans.  Þú mátt alveg knúsa hann sérstaklega frá mér :)  Knús til fjölskyldunnar frá okkur hérna megin og líka knús á gamla skegg.  Roskilde, skyggni ágætt, hiti 12 strig.  Veðurskip Líma svarar ekki.

[SigrúnSveitó, 4.9.2007 kl. 21:59]

Jónas, ég skal gjarnan knúsa Jóhannes sérstaklega.  Hann hlakkar til að fá Jónas vin sinn í heimsókn næst!