Næs laugardagur

Við erum búin að bralla svona ýmislegt í dag, ég og börnin.  Ég fór á fund í morgun og Ólöf Ósk passaði bræður sína.  Á leiðinni heim kom ég við og náði í myndavélina sem við vorum að versla.  Svo nú fara myndirnar bráðum að velta inn!!!  Þessi myndavélaómynd sem Einar átti er rusl og drasl!!!!  Segi það og skrifa það.  Hann getur átt hana sjálfur...og vonandi man hann þetta næst þegar hann VERÐUR að eignast svona lagað!!! 

Nóg um það.

Svo fórum við með hjólið mitt í viðgerð.  Annað hvort er sprungið eða þá að það er ónýtur ventill.  Þetta er karlmannsverk á þessu heimili og þar sem karlmaðurinn nennir ekki að gera við fleiri hjól þá fórum við til hans Bjössa hjólaviðgerðarmanns.  Mikið er ég glöð að hafa hann hérna á Skaganum.  Ekki í fyrsta - og örugglega ekki síðasta - sinn sem ég nýti mér þjónustu hans.

Eftir það var Bónus málið.  Það er jú nammidagur!!!  Svo við keyptum nammi...og læri og fleira gotterí!  Svo langaði krakkana til afa og ömmu...en afi var á leiðinni til Rvk og amma á leiðinni heim.  Já, hún er loks að koma heim eftir að hafa eytt sumrinu í bústaðnum og nú er hún að koma á Skagann til vetrarsetu.  Svo þau verða heimsótt á morgun!!!

Þá fórum við í Húsasmiðjuna og keyptum kroket-sett sem dugði í 10 mín. þá var ein kylfan sprungin og ein kúlan klofin í tvennt! Svo við fórum og skiluðum og fengum endurgreitt.  Það var stutt kroket-sett-eiga!!!

Svo fórum við heim, ég fór að þurrka af rimlagardínum (það er LEIÐINLEGT!!!) og gera þokkalega hreint.  Á morgun verður svo skúrað og svona því það er opið hús (fasteignasölu-opið-hús...ekki kaffiboð!!!) á morgun. 

Strákarnir eru búnir að vera úti að leika með vatn, því eins og Jón Ingvi sagði; "Mamma, það er fullkomið veður til að leika með vatn í dag"!!!  Krúttið

Ljós&kærleikur... 

Athugasemdir

[Bjarney Hallgrímsdóttir, 18.8.2007 kl. 22:34]

Brjálað að gera á stóru heimili og gaman þegar nóg er að gera, NEMA AÐ ÞRÍFA RIMLAGARDÍNUR shæse, það er svo leiðinlegt

[ragnhildur & inga (IP-tala skráð) 19.8.2007 kl. 08:26]

Gangi ykkur vel með opið hús í dag ... mjög sölulegar myndir! Skil ekkert í því að húsið skuli ekki vera selt :)  *knús* til ykkar.

[Tanni Ofurbloggari, 19.8.2007 kl. 08:27]

eingar myndir!!!!!!!!!!!!!!!

[SigrúnSveitó, 19.8.2007 kl. 12:56]

Er kófsveitt við að ryksuga og skúra.  Vona að margir komi ;)

Og til þín, kæri Tanni...það voru teknar myndir í gærkveldi, eða um leið og húsbóndinn var búinn að hlaða nýju vélina sína...svo nú fer þetta að bresta á!!! 

[Ásdís Sigurðardóttir, 19.8.2007 kl. 14:20]

Eigið góðan þrifnaðar dag, gott að sólin er í pásu þá er ekki eins erfitt að vera inni. knús.

[Hrönn Sigurðardóttir, 19.8.2007 kl. 15:04]

Vona að margir komi í dag og kíki á húsið ykkar!