VÁ!!!!

18.8.2007 | 10:41

Ég var að lesa viðtal í Blaðinu áðan. Viðtal við Huldu Jensdóttur, ljósmóðir. Hún var m.a. forstöðukona Fæðingarheimilisins í 30 ár og stóð fyrir ýmsum nýungum, eins og t.d. að móðirin fengi barnið í fangið strax eftir fæðinguna, að feður mættu vera viðstaddir og fleira og fleira sem okkur þykir meira en SJÁLFSAGT í dag.

Mér fannst stórkostlegt að lesa kærleikann og lífsgleðina sem skein í gegn. Vá! Yndislegt alveg. Mig langaði allra mest að hitta hana og KNÚSA hana stórt!!!

Það er, að mínu mati, ekkert til dýrmætara en að vera fullur af kærleika út í lífið. Ég hef lært svo mikið á þeirri leið sem ég valdi mér, eða lífið valdi fyrir mig?! Umburðarlyndi og kærleikur er svo mikilvægt. Að geta lifað í sátt og samlyndi við samferðafólk mitt. Að dæma ekki aðra, þó þeir séu kannski ekki á sömu skoðun og ég, eða lifi sínu lífi á þann hátt sem ég vildi ekki lifa mínu lífi á. Áður fyrr dæmdi ég þetta fólk, en í dag reyni ég eftir bestu getu að gera það ekki. Ég lít frekar á þetta fólk sem kennara, þau kenna mér hvernig ég vil ekki vera eða haga lífinu mínu. Svo er fullt af öðru fólki sem kennir mér hvernig ég vil vera, hvað ég vil gera í lífinu.

Lífið er skóli og ég verð aldrei fullmenntuð. En að lesa þetta viðtal við Huldu snerti mig inn að hjartarótum, og hún er sannarlega einn kennarinn Smile

Gangið á Guðs vegum.

Flokkur: Bloggar | Facebook

Athugasemdir

Hulda er snillingur, ég var hjá henni í slökun þegar ég gekk með frumburðinn og átti í framhaldi af því yndislega fæðingastund með eiginmann, ljósu og svo kom barnið og þá kíkti doksi við og allir brotsu út í vorbirtuna (fæddist 18.maí 2.07) við kveiktum ekki einu sinni ljósin á stofunni, notuðum bara borðlampa og þetta tók svona rúml. klukkt. Þú ert með Huldu gening það er ég löngu búin að fatta ljósið mitt. Þú átt greinilega yndislegan og góðan dreng, börn sem fá akkúrat sem þau langaði í er sæl og afslöppuð börn og búa við mikinn kærleik og traust. Ljós og frið á ykkur öll.

Ásdís Sigurðardóttir, 18.8.2007 kl. 13:44