Myndavélin biluð :(

Myndavélin okkar er biluð :( sem er alveg glatað, því ég er vön að taka mikið af myndum, hef venjulega verið með myndavélina í töskunni, tilbúin í "slaginn".  En það er ekki hægt núna.  Og ef minn heittelskaði fær einhverju um ráðið þá verður það ekki þannig...því hann vill endilega kaupa "alvöru" græju (sem þarf örugglega að fara á námskeið til að læra á)!!! Málið er að ég er alveg til í að eiga svoleiðis fínerí, en ég vil líka eiga þessa litlu handhægu sem kemst í töskuna mína.  Ætla að láta athuga hvort hægt sé að laga hana fyrir lítinn pening!!

Mig sárvantar myndavél því á fimmtudaginn á Jóhannes afmæli og það verður að mynda 4ra ára afmælisdrenginn í bak og fyrir!!!

Svo er ég að fá gesti, fullt af gestum.  Þá er gaman að hafa myndavélina við höndina.  

Á föstudaginn koma Stígamótavinkonur í heimsókn.  Þ.e.a.s. vinkonur sem ég kynntist þegar ég var í sjálfshjálparhóp á Stígamótum haustið 1994.  Við höfum haldið hópinn síðan og hist reglulega (eða eiginlega meira óreglulega), t.d. reyndum við alltaf að hittast þegar ég kom til Íslands, meðan ég bjó í Dk. og svo komu nokkrar úr hópnum út og við fórum í sumarbústað eina helgi þegar við áttum 10 ára afmæli

Já, svo á ég jafnvel von á Guðrúnu vinkonu í heimsókn með börnin og eftir helgi kemur Áslaug vinkona með sína unga.  

Jumundur minn hvað ég er rík kona!!!

Konan hans tengdapabba er að koma heim úr bústaðnum um helgina, og þá er stutt í kaffibolla hjá henni (og fyrir hana hjá mér), það er sko líka gaman.  Krakkarnir hlakka mikið til, þau (Ólöf Ósk og Jón Ingvi) eru búin að kaupa litlar teygjur því amma Jóna var búin að segjast ætla að flétta litlar fléttur í þau...!!! Þau eiga sjálfsagt eftir að bíða á tröppunum eftir að hún renni í hlað

Jamm...og ég sem hafði ekkert að skrifa um...

Ætla snemma í bælið og kannski prjóna smá yfir imbanum...svo kemur minn heittelskaði heim von bráðar...

Ljós&kærleikur... 

Athugasemdir

[Ásdís Sigurðardóttir, 14.8.2007 kl. 22:08]

Reddaðu þér einnota til öryggis, verður nú að mynda allan þennan hóp sem er á leiðinni. Þú ert svoooo dugleg stelpa finnst mér. Opið hús og stórt og hlýtt hjarta, ekki skrítið að fólk sæki til þín.  knús

[Halldór Sigurðsson, 14.8.2007 kl. 22:20]

Cannon 350d eða 400d -- snilldarvélar

[SigrúnSveitó, 15.8.2007 kl. 07:26]

Góð hugmynd, takk fyrir það. Hafði ekki hugsað út í þetta með einnota...

Halldór, takk. Við vorum einmitt að spá í hvern við gætum spurt varðandi myndavélar og eftir af hafa séð allar myndirnar þínar þá treysti ég þínu áliti 110% 

[Karen Hansen (IP-tala skráð) 19.8.2007 kl. 19:57]

Hæ Sigrún og familie

Var að sjá þessa rosalegu köku,, og las líka um Jón Ingva min sem var hjá tanna, þegar Rannveig mín fer til tanna þá fer ég með og gef henni "Stillepunkt" við fæturnar, Svona framkvæmir maður það: Jón liggur í stólum og er ferlega spentur,, þú Sigrún situr á stól við fótendan og leggur hendurnar ofan á fætur Jóns (ristina með lófana og heldur utan um oklana) ef þú þarft betri útskýringu þá hefur þú bara samband.

Lovs and Kissis

Karen

[SigrúnSveitó, 19.8.2007 kl. 20:03]

Takk Karen.  Ætla að prófa þetta. Knús...