Borgarfjörður og fleira

Ég og strákarnir skelltum okkur upp í Borgarfjörð í morgun.  Drengirnir komu inn til mín einhverntímann...hálf átta held ég...og horfðu á barnatímann á DR1...þangað til ég stakk upp á því að við færum á fætur, fengjum okkur morgunmat og brunuðum upp í Borgarfjörð til langömmu þeirra.  Því var tekið með fagnaðarlátum og við brunuðum af stað! 

Alltaf vel tekið á móti okkur í sveitinni, enda Sigga amma höfðingi heim að sækja og alveg yndisleg kona í alla staði.  Strákarnir spurðu strax um pönnukökur...nýbúnir að tilkynna mér að amma Sigga ætti ALLTAF pönnsur...og viti menn, Sigga dró fram stafla af sykurrúlluðum pönnsum sem runnu ljúft ofan í drengina.

Við stoppuðum í 2 tíma og það var jafn notalegt og alltaf að sitja í eldhúsinu og spjalla við Siggu yfir góðum kaffibolla, og heimabökuðu brauði.  

---

Núna á eftir erum við svo að fara í afmæliskaffi hjá bloggvinkonu og nágranna okkar, henni Gurrí!  Það verður gaman að sjá hvort margir bloggfélagar verði á svæðinu

---

Verð að segja ykkur frá smá úr ferðinni þarna um daginn.  Mér tókst að hneyksla manninn minn gersamlega upp úr skónum í Húnavatnssýslunni!!!  Rétt eftir að við höfðum tilkynnt ökuníðing sem var næstum lentur framan á okkur vegna framúraksturs...hættulegt "kvikindi"!!! Arg...

En það var ekki það sem ég ætlaði að segja ykkur...heldur þetta; ég var að keyra (sem ég gerði mest lítið af í ferðinni) og minn heittelskaði benti mér á að ég gæti notað krúskontrólið...og ég hváði og sagði; "Ha?! Er krúskontról á bílnum?!"!!!  Einar gapti!!!  Við búin að eiga bílinn í rúmt ár og ég vissi þetta ekki!!!  Hvað ég héldi eiginlega að takkarnir á stýrinu væru?!!! Ég hafði bara ekki hugmynd um það...fikta venjulega ekki í tökkum sem ég veit ekki tilhvers eru... Sem hann gerir...enda veit hann miklu betur en ég um öll tæki og tól og hvernig þau virka!  Ég varð jafn hneyksluð og hann...hann á að ég vissi þetta ekki og ég á að hann hefði ekki bent mér á þetta fyrr!!! Ég sem keyrði til Reykjavíkur 4 sinnum í viku í 5 mánuði s.l. vetur!!!

 

Já, það er svona að vera kona...eins og ég

Athugasemdir

[Bjarney Hallgrímsdóttir, 12.8.2007 kl. 20:21]

hahahahaha, góð með krúsið

En við kvenfólkið erum ekkert að fikta í eitthverjum tökkum sem við vitum ekkert hvað er

Það er nú ekki krúskontról í mínum bíl, er bara orðin meðvituð um að hafa hemil á hægri fæti og fer ekkert uppfyrir 100

[SigrúnSveitó, 12.8.2007 kl. 21:39]

Einmitt, ég sé enga ástæðu til að FIKTA!!!

Ég er líka meðvituð og fer ekki upp fyrir 90...nema óvart og þá hægi ég strax á mér.  Sem betur fer því það eru því miður svo mörg FÍFL í umferðinni!!