Ferðasagan

Við keyrðum sem sagt sem leið lá frá Akranesi til Neskaupstaðar s.l. fimmtudag.  Í blíðskaparveðri alla leið.  Stoppuðum auðvitað fyrst í Staðaskála og fengum okkur ekta íslenskan þjóðvegarhammara...slafr...  Verst að þetta sukk fór illa í Ólöfu Ósk sem var hálf bílveik til Akureyrar.  Svo við stoppuðum á Blönduósi og í Varmahlíð til að leyfa henni að fá frískt loft.  

Á Akureyri stoppuðum við í 1½ tíma í bústaðnum hjá Jónu (tengdó).  Þar er hún búin að vera í sumar og njóta lífsins í þvílíkri paradís.  Bústaðurinn er ÆÐI og ekki spillti fyrir að okkar beið ilmandi kaffi og vöfflur með sultu og rjóma!

Svo var ætt af stað aftur, yfir Vaðlaheiði.  Næsta stopp var Mývatn, þar var keypt kaffi og ís.  Pissustopp á Jökuldal og teygt úr fótum á Egilsstöðum...og þá vorum við farin að nálgast endastöðina okkar ískyggilega.  Þegar við komum út úr Oddskarðsgöngunum (og ekki orð um þau meir!!) þá eiginlega misstu börnin sig í spenning.  Lætin mögnuðust og gleðin var mikil þegar við renndum í hlað á Ormsstöðum. 

Dagarnir í sveitinni liðu alltof fljótt.  Við nutum samvista við foreldra mína, systkini mín og þeirra fjölskyldur.  Hittum Ými og knúsuðum hann...sérstaklega ég!!!  Hann er alger draumur í dós.  Fær mig næstum því til að langa í kríli...en samt ekki!!  En yndislegur er hann!!

Svo var stuð á Neistaflugi og eins og ég skrifaði í gær þá hitti Jóhannes þá félaga Gunna og Felix...

En ég ætla ekki að skrifa meira í kvöld, ætla í bað og svo í bælið...

Megi mátturinn vera með ykkur öllum...

Athugasemdir

[Úrsúla Manda , 8.8.2007 kl. 23:04]

Mér fannst líka ægilega gaman að hitta þig

[Guðríður Hrefna Haraldsdóttir, 8.8.2007 kl. 23:40]

Allt of langt síðan ég hef séð þig. Vona að þú komist í afmælið mitt á sunnudaginn, opið hús frá kl. 15, kaffi og kökur! Einar að sjálfsögðu velkominn líka.

[ragnhildur & inga (IP-tala skráð) 9.8.2007 kl. 08:07]

Takk fyrir síðast ... rosa gaman að hitta ykkur öll eins og alltaf :)   Algjört ÆÐI þessi bústaður!