Dagurinn í dag

Dagurinn í dag byrjaði kl. 5.30 hjá mínum heittelskaða, en steypubíllinn var væntanlegur 6.00!  Og svo var byrjað að steypa plötu kl. 6.40 eða þar um bil.  (Er að setja inn myndir.)  En það er semsagt komin plata, og svo verður byrjað að slá upp á morgun!!! 

Undir hádegið brunuðum við svo í Hveragerði.  Þar fór fram hestaferðIN, sú sem við fengum í jólagjöf frá tengdamúttunni minni.  Hún gaf okkur öllum, Valtý bróðir Einars og fj. og sjálfri sér 2ja tíma hestaferð með Eldhestum.  Dagurinn í dag varð fyrir valinu, og hefðum við ekki getað verið heppnari með veður.  Þvílík snilld, rosalega gaman.  Við (ég, tengdó og Ólöf Ósk erum farnar að leggja á ráðin um hest-kaup...!!)  FULLT af myndum HÉRNA!! 
Það kom upp sú hugmynd að gera þetta að árlegum viðburði.  Það eina sem amk. nokkrum okkar fannst, var að það var farið fetið meiri hlutann af ferðinni...enda nokkrir óvanir...og sumir ekki orðnir 4ra ára... En við fengum að hleypa þeim á TÖLT smá spotta...það var náttúrlega bara geggjað. 

Ji, hvað ég fann að ég sakna þess að ríða út.  Einu sinni var ég alger hestastelpa, alltaf á hestbaki.  Hehe...man þegar ákveðinn ungur maður kom ríðandi upp í hlað á Ormsstöðum til að bjóða heimasætunni (mér sko) í útreiðartúr...man alltaf að þetta var á miðvikudagskvöldi því ég var að horfa á Dallas þegar hann kom... En ég skellti mér í reiðgallan, náði í Sunnu mína og af stað!  Þetta var sumarið 1985 (ég sko UNG og SAKLAUS sveitastúlka!!! Rétt tæplega 15 ára ).

Hver veit nema við fáum okkur hest einn góðan veðurdag.  Og svo verður gaman að sjá (finna) hvernig lærin verða á morgun...ojojoj... 

Athugasemdir

[Hrönn Sigurðardóttir, 17.7.2007 kl. 23:43]

Frábær dagur í dag í minni sveit gott að þið komuð í dag.

Úff lærin já - ég fór í fyrsta skipti á hestbak í maí sl. í 30 ár, mér rennur kalt vatn milli skinns og hörunds.......

Bæði yfir því hversu langt var síðan og harðsperrurnar - maður lifandi!! Varð samt að bera mig mannalega og bíta á jaxlinn því maðurinn sem lánaði okkur hestana beið mín glottuleitur morguninn eftir. Ég lét sem ekkert væri og gólaði svo þrjú kvöld í röð........

tíhí

[Gunnar Páll Gunnarsson, 18.7.2007 kl. 00:03]

Hestbak!!! Úff, fékk eiginlega nóg af slíku þegar ég gætti hestanna hjá Jónsa stórabróður, En einn og einn útreiðartúr er alltaf góður þá sjaldan svoleiðis munaður gefst. annars sagði ég það áður fyrr, að hestamennska með hníf og gafli væri helst að  mínu skapi. Hestamennska hérna í DK er mest stelpusport, strákar líta helst ekki við því. Svona MY LITTLE PONY stíllinn.

 Kveðjur heim í sumarið.

GP 

[SigrúnSveitó, 18.7.2007 kl. 09:34]

Já, trúið því eða ekki, ég er ekki með neinar harðsperrur!!!  Ótrúlega ánægð.  Hins vegar finn ég smá eymsli í rassinum...

Já, Gunni, þetta með stelpusport...það voru 5 stelpur og 1 strákur að vinna þarna þegar við mættum í gær...allt svíar...ég var viss um að það hlyti að vera danir þarna en svo var ekki.