Vísur

Ætla að láta flakka tvær vísur sem ein af íbúunum í vinnunni fór með um helgina.  Mér þykir gaman að vísum og þessar er sérlega ánægjulegar, finnst mér:

Hjörtu má opna
ef menn þess leita
með örsmáum lyklum
sem ég þér nú fel.

Það skaltu muna
að þeir lyklar heita;
Þakka þér fyrir
og Gjörðu svo vel.

Hin hljóðar svo:

Oft finnst oss vort land
eins og helgrindar hjarn
En hart er það aðeins
sem móðir við barn.

Það agar oss vel
með sín ísköldu él,
en á þó til blíðu
það meinar allt vel.

------------------

Góður dagur í gær.  Eftir vinnu fórum við í afmæli hjá Hemma kokk og co.  En strákurinn þeirra átti 3ja ára afmæli.  Gaman, gaman og hittum fullt af góðum vinum.  Ekta íslenskt pylsupartý og líka auðvitað tertur.  Og meira að segja ein sykurlaus, svo ég gat verið með

En ó mæ god, ég var ÞREYTT.  Sagði við Einar í gærkveldi að ég þyrfti líklega bara að fara aftur í skóla...ég verð svo þreytt ef ég vinn Hann sagði bara; "ónei!!".  En ég var nú líka mest að djóka...hehe...

Í dag ætla Jóna, Sindri og börn að koma til okkar.  Mikið verður það yndislegt.  Það er svo gott og gaman að fá góða vini í heimsókn.  Og ég hlakka ansi mikið til þegar þau flytja heim...en það eru víst nokkur ár í það... Því Sindri er í námi og Jóna stefnir á nám.  Hins vegar var Sindri eitthvað að tala um að ráða bara pólverja í að klára námið fyrir sig...eins og spaugstofumenn sögðu; "Setjum pólverja í það"...!!  

Jæja, best að halda áfram við það sem ég var að gera...er sko að lesa mig til um hin ýmsu lyf á heimasíðu lyfjastofnunar...betra að vita hvað ég er að gefa blessuðum skjólstæðingum mínum...

Eigiði góðan dag, elskurnar mínar nær og fjær...það ætla ég líka sko

Athugasemdir

[Ásdís Sigurðardóttir, 9.7.2007 kl. 18:17]

Þetta eru fallegar vísur. Gaman að heyra hvað helgin var góð. Love U dúlla.

[Hrönn Sigurðardóttir, 9.7.2007 kl. 20:51]

Knús til þín

[Gunnar Páll Gunnarsson, 10.7.2007 kl. 11:21]

Takk fyrir kvedjuna. Ég hlakka líka til ad sjá hvernig

bloggid mitt thróast Ætla líka ad fylgjst med thér. Ertu med sykursýki? Á eftir ad lesa fleiri greinar frá thér. Túderlí tútt!

Gunni Palli kokkur.

[SigrúnSveitó, 10.7.2007 kl. 13:16]

Tata :)

Velkominn, Gunni.  Neibb, ég er ekki með sykursýki í þeim skilningi...ég er hins vegar SJÚK í sykur...hihi...kalla mig sykurfíkil og það er best fyrir mig, líkamlega og andlega að sleppa sykri, annars fer ég í allskonar þráhyggju, borða endalausan sykur, fer í útlitsþráhyggju og ýmislegt annað.