Laugardagur

Laugardagur að kveldi kominn. Ég var að vinna í gærkvöldi og í dag, svo aftur á morgun.  Nóg að gera, nóg að læra.  Gaman að því.  Ég mundaði sprautuna í dag...ótrúlegt hvað ég er bara róleg yfir því...en það er kannski af því að það er ekki verið að sprauta mig

Það eru írskir dagar hérna á Akranesi og bærinn fullur af alls kyns fólki...  Það voru víst 'aðeins' 12 fíkniefnamál í gær og nótt...en löggan er alveg á fullu með hund og 'læti'.  Rölti sér víst um á kaffihúsiNU í gær með hundinn og var út um allan bæ.  Gott mál. 

 

Í húsinu á móti okkur var partý þegar ég kom heim úr vinnu um miðnætti í gær.  Eiginlega bara fyndið.  Unglingapartý.  Sódóma með Sálinni var í botni og ungarnir úti á svölum í svaka fíling...uss, ég hefði nú verið á svæðinu...hefði ég verið 20 árum yngri

Ég man vel hvernig þetta var...reyndar var ég komin fast að tvítugu þegar ég fríkaði út og datt í það...og var eiginlega meira og minna ölvuð...amk flestar helgar næstu 5 árin...uss...  Ég man sérstaklega eftir vetrinum sem við bjuggum á Ökrum, veturinn 1990-1991...aumingjans unga parið með litlu börnin tvö, sem bjuggu fyrir ofan okkur...og okkur var SKTÍT-sama!!!  Og svo næstu mánuði þar á eftir þegar ég leigði með Erlu sys. og Guðnýju...úff...enda var granninn á neðri hæðinni EKKI ánægð með okkur.  Hún sendi karlinn sinn upp til að kvarta...fyrstu helgina sem við bjuggum þar...1. helgin í maí 1991...og þá var Jólahjól í botni...

 

En þetta var smá 'side-bemærkning'...ætlaði alls ekki að röfla um djammið mitt gamla og góða!!

 

EN...dagurinn var góður, spennandi. 'Amma' Bára er algert krútt og svona ægilega ánægð með að hafa mig á Höfða.  Dóttir hennar spurði hana í dag hvort hún væri ekki ánægð með að ég væri komiun og hún sagði, með áherslu; "Þú getur nú rétt ímyndað þér"!!!  Elsku kerlingin.

 

Skrapp aðeins á smá ættarmót, ættin hans Einars.  Gaman að því.  Svo fórum við upp á Byggðasafn, þar voru víkingar á ferð.  Mjög skemmtilegt, og miklu persónulegra heldur en mótið í Hafnarfirði í sumar þar sem var allt TROÐIÐ af fólki.  

Já, það er best á Skaganum en við skulum samt gera okkur grein fyrir því að ég verð ALLTAF NORÐFIRÐINGUR!!!!

 

Jæja, farin að prjóna...er að prjóna smá handa frænkubeibíinu sem býr í bumbunni á Lilju sys. 

Athugasemdir

[Ásdís Sigurðardóttir, 7.7.2007 kl. 22:56]

Skemmtilegur pistill dúllan mín. Greinilega allt að ske á skaganum. Maður á nú svona gamlar minningar í fórum sínum um djamm og tillitsleysi, æ það var bara svo gaman oft.  Amma Bára er greinilega krútt kona og nú finnst henni hún örugglega komin heim að hafa svona ættingja á staðnum, get skilið það vel. Rauðhærð kveðja frá Selfossi

[Hrönn Sigurðardóttir, 8.7.2007 kl. 01:54]

Hver man ekki eftir villtum teitum fram á rauða morgun?

Kannski eitthvað sem allir þurfa að upplifa og gott að vera búin með það

[SigrúnSveitó, 8.7.2007 kl. 07:23]

hehe, já það er gott að vera búinn með þetta djamm, myndi ekki nenna þessu í dag en mikið svakalega var þetta oftast gaman

[Bjarnþór Harðarson, 9.7.2007 kl. 03:12]

Skemmtileg síða hjá þér, og takk fyrir blogg-boðið.    ekki á hverjum degi sem maður hittir fólk sem að er eins auðvelt að kynnast eins og ykkur hjónunum.   En þetta var líka þrusu partý sem við vorum í (svona á okkar mælikvarða) enda fáir jafn gestrisnir eins og þau Hemmi & Birna.

Bestu kveðjur.    Bjarnþór. 

[Steinunn Helga Sigurðardóttir, 9.7.2007 kl. 08:09]

það er gott að muna hver maður var, því þá skilur maður betur ! 

knús til þín

og Ljós

Steina