FRELSI

Ég er að upplifa FRELSI, frelsi sem ég hef ekki upplifað í mörg ár.  Frelsi sem felst einfaldlega í því að eiga frítíma, geta notað hann að eigin vali án þess að sitja eftir með samviskubit yfir að hafa ekki notað hann í að LESA!!!

Ég var, eins og þið vitið, að vinna á mánudaginn og þriðjudaginn.  Í gær og í dag var ég í FRÍI!!!  Ekki svona fríi eins og þegar það var ekki skóli 1-2 daga í viku, því það voru lesdagar.  Nei, ég var í FRÍI!!!  Fríi frá vinnu!!!  Og ég notaði þá uppi í húsi, í skítagalla að moka yfir klóakskurði og hreinsa til.  Ekki frí í þeim skilningi að vera í fríi og liggja í leti...enda geri ég það ekki og hef ekki gert í mörg ár, það er kannski eitthvað sem kemur þegar börnin verða orðin stór...  En ég gat farið að gera eitthvað, eitthvað annað en lesa.  Skiljiði hvað ég meina?

Þetta er geggjað.  Mikið er ég glöð að ég fór í hjúkrunarnámið, ég elska að hjúkkast, elska að veita skjólstæðingum mínum aðhlynningu, andlega eða líkamlega.  Ég finn kærleikann streyma um mig, að hjálpa öðrum er mál málanna fyrir mig.  Hvernig sem á það er litið.

Og mikið svakalega er ég glöð að námsárunum er lokið.  FRELSI!!!

Og mikið svakalega er ég þakklát fyrir manninn minn, sem hefur verið dyggur stuðningsmaður minn gegnum súrt og sætt, hann heftur hvatt mig áfram og hann hefur unnið myrkanna á milli til að sjá fyrir fjölskyldunni, sem gerði mér kleyft að vera í námi.  Yndislega stór og mikil gjöf.  Ástin mín, TAKK.  Ég elska þig

En nú er ég að spá í að skríða í rúmið, því ég er þreytt

Ljós&kærleikur til ykkar... 

Athugasemdir

[Ásdís Sigurðardóttir, 5.7.2007 kl. 23:22]

Ertu ekki alveg örugglega það ung ljósið mitt að þú getir hugsað um mig í ellinni? segðu mér bara hvaða elliheimili ég þarf að velja. Þú ert sko góð stelpa. Með öll réttu genin.

[SigrúnSveitó, 5.7.2007 kl. 23:26]

Ég er 36, verð 37 í haust, og ég vinn á Höfða á Akranesi

[SigrúnSveitó, 6.7.2007 kl. 08:59]

Oooohhh, njóttu frísins, kæra Arna

[Steinunn Helga Sigurðardóttir, 6.7.2007 kl. 10:55]

elsku sigrún !! má ég sjá hvernig þú taggar !!! hvar get ég kíkt pleace !!!

knus og njóttu frelsisins inni í þér og úti í daglega lífinu

steina 

[SigrúnSveitó, 6.7.2007 kl. 10:59]

úbbs...sorrý, það er hér

[Hrönn Sigurðardóttir, 6.7.2007 kl. 11:33]

kíkti líka á taggið þitt! Hvar í Danmörku bjugguð þið?

[SigrúnSveitó, 6.7.2007 kl. 11:38]

Við bjuggum í Græsted, 50 km norðan við Køben.  Ca 10 km frá norðurströndinni og 'byen på toppen´; Gilleleje.
Ég var í skóla í Hillerød.