Tengda-amma

3.7.2007 | 18:33

Ji minn hvað tengda-amma var glöð að sjá mig í dag. Hún, Bára heitir hún og er föðuramma Einars, býr á Höfða og er búin að bíða í ofvæni í fleiri mánuði eftir að ég komi. Og hún ljómaði, brosti hringinn, elsku kerlingin. Yndislegar móttökur, finnst mér.

Annar vinnudagurinn sem sagt að baki...og fljótlega hætti ég að telja Wink Ég er ekki eins þreytt og í gær, en þreytt þó. En nú er ég ekki að fara að vinna aftur fyrr en á föstudag, svo þetta er fínt. Og gott mál, ekki veitir af að þrífa smá hérna heima...og svo langar mig nú alveg að vera einn og einn dag uppi í húsi með Einari... Svo á morgun er ég að spá í að fara uppeftir með honum. Það verður örugglega gaman, þótt það að byggja hús sé ekki jafn mikið áhugamál hjá mér og hjá honum...

Hvað get ég meira sagt ykkur...jú, ég get sagt ykkur að við fengum ekki gesti frá Danmörku í dag eins og til stóð. Þau hættu við á síðustu stundu... En skit pyt. Við njótum þess bara að vera bara við. Reyndar er Cille hjá okkur, en hún er ekki gestur, frekar hluti af fjölskyldunni. Cille er besta vinkona Ólafar Óskar og þær hafa verið bestu vinkonur síðan í leikskóla. Cille kom með okkur heim og fer svo aftur út á föstudag...og er strax farin að hugsa ráð til að komast hingað sem fyrst aftur Grin

Það fer líka að styttast í að bóndi minn fari á Hvannadalshnjúk, eða 14. júlí. Vona innilega að þeir fái gott veður. Já, og ekki nóg með það heldur stefnir þessi duglegi eiginmaður minn á að steypa plötuna áður en hann fer. Því þá geta þeir (hann og Ingvar) byrjað að byggja húsið mánudaginn 16. júlí!!!

Jamm, það gerist margt hérna hjá okkur Wink

Flokkur: Bloggar | Facebook

Athugasemdir

Ja, hérna, hér, líf og fjör á læk ef það verður sól á morgun þá ferðu nú í sólbað, heimiliið hleypur ekki frá þér.

Ásdís Sigurðardóttir, 3.7.2007 kl. 20:40

Nei, Ásdís, ég fer EKKI í sólbað!!! Frekar geri ég eitthvað SKEMMTILEGT!!! Sólbað og ég eigum ekki saman. En það er rétt, heimilið og rykið hleypur ekkert, svo það er ekki nr. 1 á listanum

SigrúnSveitó, 3.7.2007 kl. 21:17