Sunnudagur til sælu

Það er sko ekkert smá gaman að vera til þessa dagana!! 

Ólöf Ósk fór snemma út, sundmótið kallaði.  Hún synti 200 m skrið kl 8.30...þá var ég enn sofandi...en afi hennar fór að sjá hana synda og var að rifna úr stolti yfir stelpuskottinu.

Ég og strákarnir hjóluðum svo upp í laug og sáum hana synda 100 m bak kl 9.50.  Ég táraðist af stolti þegar nafnið hennar var kallað upp.  Mér finnst hún svo dugleg.

Mér finnst svo yndislegt að börnin mín eru ekki litlar hræddar mýs eins og ég var...  Ég hefði aldrei þorað að taka þátt í sundkeppni, eða neinni keppni yfir höfuð.  Ég man t.d. að mér fannst geðveikt gaman í blaki þegar ég var í síðustu bekkjum grunnskólans og það voru margar sem æfðu blak.  En ég þorði ekki að taka þátt...var hrædd um að vera ekki nógu góð, hrædd um að mistakast...hrædd um hvað aðrir hugsuðu um mig...

Sennilega er þetta stór þáttur í því hvað ég er stolt af henni, mér þykir hún SVO dugleg.  

Eftir að hún var búin að synda þarna í morgun hjóluðum við í kaffi til tengdó.  Ekkert smá æði að geta hjólað í kaffi til fjölskyldunnar.  Krakkarnir eru svo ánægð með þetta, að hafa afa og ömmu svona nálægt, og við Einar erum ekki minna ánægð.  Þetta er yndislegt. 

Jón Ingva langaði svo að bjóða í vöfflur, svo hann bauð afa sínum og ömmu í vöfflukaffi og nú stendur hann frammi í eldhúsi og bakar bleikar vöfflur.  Svo ætlum við Jóhannes að baka nokkrar grænar á eftir.

Svo er bara stórkostlegt að hafa öðlast frelsi, frelsi til að fara í kaffi til tengdó án þess að hafa samviskubit yfir að sitja ekki heima og lesa...

Mér finnst ég lánsamasta kona í heimi.

 

 

Athugasemdir

[SigrúnSveitó, 3.6.2007 kl. 15:40]

Já, það er svo rétt.  Að geta verið þakklát fyrir það sem ég á/hef í stað þess að gremjast yfir því sem ég á/hef ekki er svo notaleg tilfinning.  

[Hrönn Sigurðardóttir, 3.6.2007 kl. 16:58]

 Til hamingju með þig

[SigrúnSveitó, 3.6.2007 kl. 17:34]

Takk elskan

[Hugarfluga, 3.6.2007 kl. 18:23]

Þú ert svo lík mér á margan hátt, Sigrún. Ég var einmitt algjör mús sem barn og er enn ... á annan hátt þó. Það að kunna að þakka fyrir og að meta það sem maður hefur er Guðs gjöf. Þú ert einstök.

[SigrúnSveitó, 3.6.2007 kl. 18:48]

Ég hef oft hugsað um það, kæra fluga, að ég vona að við eigum eftir að hittast einn góðan veðurdag.  Mér finnst einmitt svo oft sem við tölum sama tungumál.

knús... 

[Ásdís Sigurðardóttir, 3.6.2007 kl. 20:23]

Þú ert lukkunnar pamfíll,  hvernig gerir maður vöfflur bleikar??

[SigrúnSveitó, 3.6.2007 kl. 20:27]

Mér finnst best að nota rauðan matarlit sem fæst í Húsasmiðjunni...örugglega baneitraður, en hann virkar!!  Þeir eiga yfirleitt ýmsa liti og þeir eru krassandi!! Þessar grænu eru virkilega eitraðar á litinn!!! En börnin ELSKA þetta...og svo oft borðum við þetta ekki

[Eydís Hentze Pétursdóttir, 3.6.2007 kl. 20:38]

Tilhamingju með duglegu stelpuna þína!

[SigrúnSveitó, 3.6.2007 kl. 20:56]

Takk

[Steinunn Helga Sigurðardóttir, 4.6.2007 kl. 06:10]

til hamingju með stelpuna, ég þekki svo þessa tilfinningu þegar maður horfir á börnin sín og er svo sáttur við hverning þau eru orpin, minnimáttakenndin sem alltaf hrjáði, er ekki í þessum einstaklingum, það er svo mikilvægt að segja börnunum sínum oft á dag að þau séu elskuð !

gott að sjá þig aftur.

Ljós til þín

steina 

[SigrúnSveitó, 4.6.2007 kl. 07:32]

Takk sömuleiðis

Talandi um að segja börnunum sínum að þau séu elskuð, þessi sama skotta sagði við mig þegar hún var 3ja ára; "Mamma, ég veit að þú elskar mig, svo þú þarft ekki alltaf að vera að segja það. En ef ég gleymi að þú elskar mig þá skal ég segja þér það svo þú getir sagt mér það."!! En ég gat nú samt ekki hætt að tjá henni ást mína