Síðasti vetrardagur

Já, síðasti vetrardagur er í dag, það snjóaði í nótt af þessu tilefni.  Veðurspáin er ekki beinlínis sumarleg þrátt fyrir að sumardagurinn fyrsti sé á morgun, enda átti ég svo sem ekki von á því.  Hef stundum spáð í afhverju það er sumardagurinn fyrsti í apríl.  Er ekkert vor?  Svo er 1. vetrardagur í lok október...er heldur ekkert haust?  Bara sumar og vetur?!  Ja, ég veit ekki...

En hvað sem veðrinu og árstíðunum líður þá er bara gaman að vera til.  Ég er búin á símafundi dagsins, hann fór fram kl 8 að íslenskum tíma.  Við settum okkur verkefni fyrir daginn og svo er símafundur með leiðbeinandanum okkar í fyrramálið.  Okkar tilfinning er að þetta gengur ljómandi vel og við erum glaðar og ánægðar og þá verður þetta heldur ekkert mál.  

Spakmæli dagsins:

„Reyndu ekki að fá fólk til að elska þig, einbeittu þér heldur að því að verða sá maður sem fólk getur elskað.“

 

Eigiði góðan dag.   Það ætla ég að gera. 

Athugasemdir

[Jóhanna (IP-tala skráð) 18.4.2007 kl. 11:06]

Þetta með Sumardaginn fyrsta og fyrsta vetrardag tengist gömlu mánuðunum. Ég er reyndar viss um að þú geymdir þetta e-s staðar inni í kollinum á þér:) Sumardagurinn fyrsti er fyrsti dagur hörpu sem er fyrsti sumarmánuðurinn og fyrsti vetrardagur er fyrsti dagur gormánaðar (fyrsta vetrarmánaðarins). Hér er smá æfing;)

[SigrúnSveitó, 18.4.2007 kl. 11:14]

Takk fyrir upplýsingarnar. Já, eflaust vissi ég þetta einhversstaðar...man að við gáfum út skólablað á Kirkjumelnum in the old days...það hét einmitt Harpa, þar sem það var gefið út á Hörpunni

En takk fyrir upplýsingarnar, alltaf gott að vera minnt á gamlar hefðir

[Steinunn Helga Sigurðardóttir, 18.4.2007 kl. 19:47]

og lærðu að elska sjálfan þig, þá elska aðrir það líka

ljós steina 

[SigrúnSveitó, 19.4.2007 kl. 07:57]

Það er satt, Steina.

Ljós til þín