jamm og já

Er engan veginn í stuði til að lesa...en þarf að lesa.  Kannski væri góð hugmynd að skella mér í smá bæn og hugleiðslu, og biðja um viljann!!  Veit það virkar.  En það er einhver óvilji í mér...

Annars er lítið að segja.  Bara mikil lukka að vera komin með ný rúm og stóra sæng.  Mér finnst æði að geta stungið mínum ísköldu tásum til Einars án þess að þurfa að setja þær undan sænginni fyrst!  Og mér er nánast alltaf kalt á tánum...sérstaklega á kvöldin.

Nóg um tásukuldann minn.

Fór á fund í gær, foreldrafund varðandi keppnisferð í sundi sem Ólöf Ósk fer í eftir 13 mánuði.  Það verður farið til Esbjerg.  Foreldrar velkomnir með, en ekki *möst*, þar sem þjálfarar og fararstjórar bera ábygð á börnunum og sjá um þau.  Magnað hvað sumu fólki finnst þetta fyndið: *Ok, við [mömmurnar] förum þá með og gerum þetta að djammferð (og hér hlæja *allir* hahaha ), við bara skemmtum okkur á meðan aðrir passa börnin...já, við verðum nú að gera það...hópefli, það er það sem þetta er"!!!  

Ég sé ekkert fyndið við þetta - eða sjarmerandi.  Nei, langar það ekki baun.  Ef ég fer með þá er það til að vera tilstaðar fyrir dóttir mína og aðstoða eftir bestu getu - EKKI til að djamma og djúsa...!!!

En svona er fólk misjafnt.  

Ekki að ég setji mig á háan hest gagnvart þessu fólki, en ég bara vel mér aðra vini, vini sem ég á samleið með.  Og það er bara mjög gott mál.

Jæja, ég er farin að gera það sem ég þarf að gera...

Athugasemdir

[jóna björg (IP-tala skráð) 17.4.2007 kl. 11:47]

Ég er svo sammála þér, er fólk ekki að fara til að fara með barninu sínu og styðja við bakið á því. Mér hefði þetta kannski þótt þetta vænlegur kostur þegar ég var tvítug og jafnvel þegar ég drakk.

Mér finst fátt jafn ömurlegt og að vera á fylleríi innan um börnin,  Við erum bara svo ótrúlega heppnar að þurfa þess ekki.

[SigrúnSveitó, 17.4.2007 kl. 11:49]

Það er rétt hjá þér.  Við erum lánsamar konur

[Steinunn Helga Sigurðardóttir, 17.4.2007 kl. 14:32]

ég er líka ein af þeim sem er kallt á fótunum, fékk hjálp við það um daginn og skilning á hvað það var. það þarf að láta orkuna streyma til tánna, og upp aftru, niður í tær og undir tærnar og upp aftur, sirkulera með orkuna fram og til baka og trúðu mér það hjálpar

ljós mín kæra

steina 

[SigrúnSveitó, 17.4.2007 kl. 14:43]

humm, þarf að prófa þetta.  Ég lá sat áðan uppi í rúmi að lesa, og ég var að frjósa á tánum alveg þangað til rétt áður en ég fór framúr aftur...og við erum að tala um 2 tíma eða álíka.

Þarf að heyra í þér og fá nánari útskýringu á þessari aðferð. 

Ljós tilbaka til þín, kæra Steina. 

[Ásdís Sigurðardóttir, 17.4.2007 kl. 15:09]

There is a time and place for everything og maður einfaldlega drekkur ekki innan um börnin sín og ALLS ekki í íþróttaferðalagi, come on, er ekki allt í lagi?

[SigrúnSveitó, 17.4.2007 kl. 15:23]

Já, nei ég held það sé ekki allt í lagi...!!