glettni á föstudagskveldi

Ný Solla Stirða!!! Einn alveg að fýla sig í tætlur sem Solla...

Mikil gleði hér á bæ.  Ólöf Ósk er með vinkonu sína hjá sér, sem ætlar að gista.  Þær eru búnar að vera í singstar meira og minna í kvöld.  Rosa skemmtilegur leikur!!  Ég get alveg gleymt tímanum þegar ég byrja...

En þessi vinkona er sko næstumþvífrænka, eins og þær kalla sig.  Mamma hennar er nobbari og er víst eitthvað skild stjúpa mínum.  Veit ekki meir um þann skyldleika.  En vinkonur eru þær, svo mikið er víst

Jóhannesi tókst að sofna án vandræða í kvöld.  Við erum búin að vera í keppni í þrjósku því hann vill bara sofa hjá mér...og ég vil að hann sofi í sínu rúmi!!  Hann má gjarnan koma upp í ef hann vaknar, en hann á að sofna í sínu rúmi.  Hann kemur með allskonar skemmtilegar útskýringar á því hvers vegna hann eigi að sofna í mínu rúmi.  Það eru úlfar, hann vill brjóst (já, brjóst!!!), hann bara getur ALLS EKKI sofnað (hrýtur svo 2 mín. síðar!!) og svona er hægt að telja lengi.  En í kvöld gekk þetta sem sagt vel.  Ég mátti reyndar ekki kalla hann Jóhannes, því hann var Loki *sloppaður* (Loki þegar hann er sloppinn úr hellinum þar sem hann var hlekkjaður eftir að hann drap Baldur...já, Jul í Valhal...). 

Ég er búin að baka 3 skúffukökur í kvöld.  Eigum von á gestum á morgun...vitum ekki hversu mörgum...en til að Einar fái nú örugglega nóg... Ekki vil ég að hann svelti, þessi elska...!!

Og til að ég svelti ekki þá ætla ég í fyrramálið (þegar ég er búin að fara út í búð...) að gera Sollu konfektkúlur og svo skella í eina köku sem ég ætla að taka með á sunnudaginn til Elínar...lofaði að taka sykurlausu kökuna með mér sjálf og geri það með ánægju.  Nú er ég sykurlaus og hamingjusöm, það er ÞÖGN í hausnum á mér og I LOVE IT!!!

Jæja, ætla í sturtu...

Athugasemdir

[Steinunn Helga Sigurðardóttir, 13.4.2007 kl. 22:31]

fagra sveitamær, þetta hljómar svo yndislega, svæfa börnin, leika sér baka súkkulaðiköku. love it.

Ljós til þín í nóttina

steina 

[Ásdís Sigurðardóttir, 13.4.2007 kl. 22:59]

Æ sendur mér köku, ég nenni ekki að baka   ég á eina Sollu, hún er kölluð Solla klára.

[Magnea Móberg Jónsdóttir (IP-tala skráð) 14.4.2007 kl. 01:30]

Hæ elskan!

Hvað heitir Nobbarinn mamma hennar næstumþvífrænku? Bara forvitin og hverra manna er hún? (Ég veit, ég er frekar mikil hruma núna en ef maður vill vita eitthvað, þá verður maður að spyrja).

Hlakka til að heyra í þér á þriðjudaginn eftir fyrstu unaðslegu nóttina í nýja rúminu .

Ástarkveðja frá mömmu. 

[SigrúnSveitó, 14.4.2007 kl. 09:06]

Steina: Þetta ER yndislegt líf.  Yndislegir krakkaormar, yndislegur maður og svo er ég á því (í dag) að ég sé bara ansi yndisleg sjálf - er þetta bara ekki frábært?!

Ásdís, já, þú meinar það.  Annars fer ég á Selfoss á morgun með eina köku...er að fara í afmæli hjá systurdóttir minni sem þar býr

Mamma: Ég viss um að þú vissir hverja ég væri að tala um.  Siggerður, systir Bóa er mamma hennar

Ástarkveðja til baka.

[Brynja Gunnarsdóttir (IP-tala skráð) 14.4.2007 kl. 13:43]

Um daginn varstu að tala um gamla vinkonu, rakst óvart á þetta blog http://thelmaasdisar.blog.is/blog/thelmaasdisar/ veit ekki hvort þetta er retta manneskjan eða hvort þú veist af þessarri síðu en ákvað að senda þér þetta

Kveðja úr firðinum fagra 

Brynja  

[SigrúnSveitó, 14.4.2007 kl. 21:36]

Jú, Brynja þetta er sú hin sama.  Var einmitt búin að finna hana þarna.  En kærar þakkir fyrir ábendinguna.

Ljós til þín...