Aum í bakinu...

...sit hérna, nývöknuð...og aum í hálsi og baki.  Endalaust verið að minna mig á að nýtt rúm sé málið.  Eftir samtalið við mömmu í gærkvöldi erum við sannfærð og ætlum líklega í bæinn á morgun að versla okkur rúm.  Mikið verður það nú ljúft!!  Hlakka til að vakna úthvíld og verkjalaus.

Annars er ég að fara með Jón Ingva til augnlæknis á eftir.  Hann bað sérstaklega um að hann færi á svoleiðis stað.  Kvartaði yfir því um daginn að hann sæi illa, sæi ekki það sem fólk væri að benda á og sérstaklega var hann sár yfir athugasemdum systur sinnar á þá leið; "Þú er BLINDUR!!".  Mér finnst erfitt þegar þessir gullmolar mínir eru leiðinleg við hvort annað og hreyta í hvort annað, en það kemur fyrir, og ég veit að þetta er hluti af því að vera systkini og vaxa upp.  En sárt er það, engu að síður.  SKil svo vel í dag hvað mamma hlýtur oft að hafa verið þreytt á okkur...við vorum 4 systkinin (mömmumegin) og rifumst oft og mikið...og ég verð að játa á mig mikið líkamlegt ofbeldi...lamdi sérstaklega tvö systkina minna...  Ekki skemmtileg tilhugsun, en hluti af fortíðinni sem ekki verður breytt.

En sem betur fer eigum við systkinin svo yndislegt samband í dag, svo ég er mjög þakklát fyrir það.  Hérna er ein af okkur, tekin s.l. sumar. 

Athugasemdir

[Salný (IP-tala skráð) 12.4.2007 kl. 08:48]

Ætlaði bara að bjóða góðan daginn, ere á morgunrúntinum áður en ég fer að LESA. ji hvað ég verð fegin þegar þetta ands.helv. djö. fína próf verður búið.. gangi ykkur vel við rúmakaup. kv. Salný

[SigrúnSveitó, 12.4.2007 kl. 09:43]

Já og góðan dag til þín, kæra mágkona.  Og gangi þér vel í lestrinum.  Við getum hoppað af kæti í lok júní, báðar tvær...þú reyndar 12 dögum fyrr en ég

[Salný (IP-tala skráð) 12.4.2007 kl. 11:59]

já það verður sko hoppað.. þvílík gleði... reyndar verður hún mjög mikil líka á mánudaginn um kl. 12. það er svo mikið búið þegar prófin eru búin. kv. Salný

[SigrúnSveitó, 12.4.2007 kl. 13:04]

Já, það er mikið búið þegar prófin eru búin.  Ferðu svo á fullt í ritgerðina eftir mánudaginn?  Hvar og hvenær áttu að verja ritgerðina?  Ég á að verja mína þriðjudaginn 26. júní...

[Salný (IP-tala skráð) 13.4.2007 kl. 08:34]

á að kynna lokaverkefnið 24. maí.. væri gaman ef þú kæmist reikna ekki með að það komi margir að hlusta á mig.

[SigrúnSveitó, 13.4.2007 kl. 08:41]

Já, það er spennandi.  Verðum í sambandi þegar nær dregur.