Undanþága veitt

Við leyfðum Jóni Ingva að fara út að leika, þrátt fyrir að aðeins 5 - ekki 7 - dagar séu liðnir frá nefkirtlatökunni.  Við bara gátum ekki neitað honum að fara út í dag.  Veðrið mjög gott, hlýtt og ljúft.  Svo var líka sykurinn sem búið er að borða í dag farinn að segja til sín...þau voru öll þrjú frekar hátt uppi...

Ég og Einar réðumst í herbergi strákanna á meðan, tókum til þar...ekki veitti af.  Svo er að sjá hversu lengi það helst...

Grillið er á leiðinni út úr skúrnum...ætlum að grilla lambalæri í kvöldmatinn...nammi namm...sætar kartöflur og *sveppasósan hennar Sollu*...ekki slæmt!!

En nú held ég að ég leggji mig...er eitthvað voða þreytt.

Við hjónakornin erum farin að vakna upp með verk í baki á hverjum morgni...sem hefur vakið okkur til umhugsunar um að kannski sé rúmið okkar ekki að standa fyrir sínu lengur.  Við keyptum það þegar ég var KASólétt af Jóni Ingva, þannig að rúmið verður 7 ára í sumar.  Kannski bara kominn tími á að endurnýja...?!!  Einhverjar góðar hugmyndir hvar er hægt að fá góð rúm? 

Athugasemdir

[Guðríður Hrefna Haraldsdóttir, 8.4.2007 kl. 14:44]

Nammi, namm, girnilegur kvöldmatur!

Held að til séu fín rúm í IKEA ... ódýr og góð. Hef samt ekki mikið vit á rúmum. Er yfirleitt steinsofandi þegar ég er í þeim. Hehehhehe 

[SigrúnSveitó, 8.4.2007 kl. 14:58]

Er að spá í að spyrja karl föður minn hvort það hafi verið gerðar gæðakannanir á rúmum...hann hlýtur að vita eitthvað um þetta eins og svo margt annað!! 

[SigrúnSveitó, 8.4.2007 kl. 15:11]

ok, takk fyrir upplýs.

[Hugarfluga, 8.4.2007 kl. 16:40]

Erum með Chiropractic heilsudýnu frá Svefni og Heilsu og hún er snilld! Líst ekkert smá vel á kvöldmatinn hjá ykkur. Hvernig eldarðu sætu kartöflurnar? Ég klikkaði laglega á matnum .. hélt mig eiga læri í frysti, en svo er víst ekki, þannig að það verður grillaður svínahnakki með bökuðum kartölfum og fylltum sveppum og paprikum :)

[SigrúnSveitó, 8.4.2007 kl. 17:25]

Ok, takk.  Gott að fá allskonar hugmyndir sem við getum skoðað.

Sætu kartöflurnar, ég baka þær bara eins og venjulegar.  Þær þurfa þó aðeins styttri tíma...minnir mig.  Svo smörklípu í og *GÚFF*

Iss, svínahnakkinn verður örugglega góður, grill gerir alltaf herslumuninn finnst mér.  Einar reyndar ákvað að steikja lærið í ofni...nennti ekki að ná í grillið út í skúr...hummmm 

[María Katrín (IP-tala skráð) 8.4.2007 kl. 20:40]

HÆ sys

Gleðilega páska.

Það vantaði bara ykkur  og Maríus í páskamatinní sveitinni. Vorum 17 talsins.

Vonandi eruð þið búin að eiga góðan dag

Kv María 

[Ásdís Sigurðardóttir, 8.4.2007 kl. 21:02]

Rúmin frá Ragnari hafa reynst mörgum vel sem ég þekki, við hjónin höfum verið í sjúkrarúmum síðan 1997 og líkað vel, en í fyrra bilaði annað, við gátum þá allavega skipst á að sofa í hinu þegar þörfin var mikil, en svo núna þegar kallinnn veiktist um daginn þá bilaði hitt helv. rúmið og typiskt, þeir eru hættir að flytja svona amerískt inn svo, sorry það er ekki hægt að laga þau, buuuuu verðum sjálfssagt að kaupa ný, fjarstýrð, annars gleðilega páska og verði ykkur kvöldmaturinn að góðu kær kveðja

[SigrúnSveitó, 8.4.2007 kl. 21:15]

Hæ sys. Ooohhh, hefði sko verið til í að vera með ykkur í kvöld Sakna ykkar svooooo.

Ásdís, takk.  Ég hef aldrei heyrt um þessi rúm frá þessum Ragnari áður...en það kviknuðu einhverjar perur hjá manninum mínum...hann hefur víst borið mörg "svona" rúm inn og út úr húsum í Köben...sem sagt margir íslendingar sem eiga svoleiðis. 
Vonandi fáið þið einhver góð rúm líka.

Ljós... 

[Margrét Sverrisdóttir (IP-tala skráð) 8.4.2007 kl. 21:38]

Elsku Sigrún mín!

Ég hef ekki lesið bloggið þitt í marga mánuði, verð að taka mig á og fara að fylgjast betur með. Er orðin afleitur bloggari sjálf.

 En við Björn höfum sofið í rúmi frá Ragnari Björnssyni og mælum eindreigið með því.

 Páskaknús

Magga

[Lilja Guðný (IP-tala skráð) 9.4.2007 kl. 08:40]

Hæ hon.

Gleðilega páska til ykkar. Sammála Maríu, það vantaði ykkur í páskagleðina.

Hvað grill varðar þá mæli ég eindregið með því að grilla úti allan ársins hring. Maður burstar bara mesta snjórinn ofan af grillinu og kveikir svo á því, þá bráðnar restin af snjónum af

Kveðja úr Breiðabliki.

[SigrúnSveitó, 9.4.2007 kl. 10:16]

Magga, gaman að þú kíktir við.  Ég ætlaði alltaf að hafa samb. út af kvöldmatarboðinu sem kom með jólakortinu...en janúar fór í próflestur, febrúar í aðgerð og Danmerkurferð...stór hluti mars var ennþá Danmörk...já, time flyes...  Verðum endilega í bandi!!

Lilja: hehe, já þetta er hin eina sanna íslenska grillgleði, við byrjuðum t.d. alltaf langt á undan dönum að grilla og þurfti venjulega að leita á lagernum að kolum...því þau eru ekki frammi allt árið.  En já, mér líst vel á ykkar aðferð Sé fyrir mér að grillið muni geta staðið úti allt árið í Seljuskógum...en hérna á Höfðabrautinni er suðvestanáttin of ríkjandi...og það er ekki blíða hér í suðvestan eins og hjá ykkur!!!