Mikil spenna...

...í loftinu!!!  Loftið var mjög rafmagnað við matarborðið áðan, spenningurinn yfir að páskarnir eru Á MORGUN!!! er að gera út af við börnin okkar.  Páskaeggin sem bíða...úff, þetta er næstum því of mikið af því góða!!!  Við sömdum um að það mætti ekki vekja neinn fyrr en kl væri orðin 7...eða þ.e.a.s. þau mega koma inn til okkar en ekki vekja systkini sín!  Það var samþykkt.  Það verður gaman að sjá hver vaknar fyrst, Jón Ingvi er viss um að verða fyrstur...enda vanur því.  Reyndar er Jóhannes eitthvað búinn að vera að "derra" sig í páskafríinu og vakna fyrstur...það hefur hann ekki gert áður.  En núna vaknar hann snemma, rífur upp augun og segir; "Ég þarf að klæða mig og fá að borða"!!!  

Einar kom heim kl rúmlega 16 og var alveg búinn á því.  Hann er þó ekki sofnaður enn, liggur inni í rúmi og hvílir sig og bíður spenntur eftir því að það komi háttartími!  Held það verði farið snemma að sofa í kvöld...ég var nefinlega á spjalli til eitthvað að verða 2 í nótt...og ég er ekki vön svona næturbrölti...en ég á svo skemmtilega tengdamömmu og við vorum að ræða heimsins gögn og nauðsynjar eftir að ég kom heim í gær...!  Gaman að því.  

Já, annars hef ég lítið að deila með ykkur, er þreytt en glöð og gaman að vera til.  Á yndislega fjölskyldu, bæði blóðfjölskyldu og í heimi andans.  Hvers er meira hægt að óska sér?

Óska ykkur gleðilegra páska...og sendi ykkur ljós og kærleika á þessu ljúfa laugardagskvöldi. 

Athugasemdir

[Hugarfluga, 7.4.2007 kl. 19:28]

Gleðilega páska til þín og þinna, kjellingin mín! Gott að kunna að vera þakklátur fyrir allt það góða í lífinu. Ekkert er sjálfgefið. Knús til þín.

[Guðríður Hrefna Haraldsdóttir, 7.4.2007 kl. 19:41]

Gleðilega páska. Vona að þið fáið að sofa aðeins lengur en til sjö ... argggg. Ef þið verðið útsofin á þeim tíma er það í lagi þó!

[SigrúnSveitó, 7.4.2007 kl. 20:27]

Stelpur, takk sömuleiðis.  Vona að þið njótið páskanna.

Gurrí...við sendum þau kannski "bara" yfir til þín ef þau vakna of snemma...hahaha...

[Ásdís Sigurðardóttir, 7.4.2007 kl. 23:20]

Ég man þennan tíma, þegar vaknað var fyrir allar aldir til að henda í sig morgunmatnum því þá fyrst mátti opna eggin. Þetta var gaman og yndislegt í minningunni, nú er bara ágætt að hafa eitt egg og bóndinn á það, ég fel það ekkert svo ef ég nenni ekki á fætur með honum getur hann bara farið einn fram og borðað það   :):) Gleðilega páska til ykkar allra

[Maja (IP-tala skráð) 8.4.2007 kl. 08:04]

Vond mamma......

Strákarnir mínir fengu "Kinder Påskeæg" í fyrsta skipti í dag, their hafa annars verid svo heppnir ad fá íslensk páskaegg sídustu 2-3 páska.  En mér tókst ekki ad redda slíku í ár, svo ég reiknadi med ad svona STÓRT Kinder æg væri bara fínt...

En......  Nicklas vard mjög svekktur yfir ad thetta var bara alls ekki eins gott eins og vanalega og thad vantadi nammid inni í!!! 

Ég verd víst ad reyna ad redda íslenskum eggjum á næsta ári!!  En núna erum vid ad fara á Skattejagt úti í gardi sem svona plástur á sárid

Gledilega páska til ykkar allra!

Knuzz

Maja & Co.

[SigrúnSveitó, 8.4.2007 kl. 09:00]

Elskan mín, þú hefðir nú alveg getað sent á mig línu og ég hefði sent páskaegg um hæl og hnakka.  Mundu það næst!  Útlensk páskaegg virka EKKI!!!  

Gleðilega páska til ykkar líka

[ragnhildur & inga (IP-tala skráð) 8.4.2007 kl. 09:23]

Gleðilega páska fallega fjölskylda ... örugglega allir löngu byrjaðir á sínum eggjum (ef ekki búnir) og ljúfur dagur framundan.  Allt í rólegheitum á þessum bæ .. náttfötin og kósíheit frameftir degi.  Hafið það gott!  *knúz&kram*

[SigrúnSveitó, 8.4.2007 kl. 10:36]

hehe, jú páskaeggin eru langt komin hjá flestum...