Yndislegur dagur

Mikið svakalega er þetta búinn að vera frábær dagur.  Yndislegt að hitta geimfrúnna loksins, eftir næstum heilt ár!  Vona bara að það líði ekki annað ár fram að næsta hitting!!!  Annars höfum við trix til að lokka hana í heimsókn, og aldrei að vita nema það verði nýtt í sumar þegar við komum heim frá Dk!!!

Heilsan er að skríða saman.  Ég var ótrúlega slöpp í morgun þegar ég var búin að þeytast um húsið með rykmoppuna og afþurrkunarklútinn.  Lagði mig aðeins á sófann og náði að blunda í smá stund.  Er búin að taka slatta af verkjalyfjum...og drekka slatta...held ég hafi verið með hausverk af vökvaskorti eftir þetta allt saman.  Ég gat meira að segja dreipt aðeins á kaffi áðan svo þá hlýtur þetta allt að vera á réttri leið...

Núna er kjúlli í ofninum og við ætlum að borða kjúlla og franskar...nammi namm.  Svo er fundur í kvöld og við hjónin ætlum bæði að fara.  Og ef til vill á kaffihúsið á eftir (þið vitið þetta FRÁBÆRA KAFFIHÚS hérna á Skaganum!!!).  

Á morgun er svo mega hittingur í leynifélaginu og tengdamútta ætlar að koma og passa fyrir okkur .  Ég ætla að elda mexíkönsku súpuna svo við förum ekki svöng af stað...!!  Svaka-jaka-góð súpa!!

Jæja, best að klára að leggja á borð...

Athugasemdir

[Guðríður Hrefna Haraldsdóttir, 5.4.2007 kl. 18:42]

Fór á kaffihúsið áðan ... það er fimmtudagur, hlýtur að vera opið til 10 í kvöld. Svo verður lokað á annan í páskum, bara svo að þú vitir það!

[SigrúnSveitó, 5.4.2007 kl. 19:35]

Gurrí, gott að vita, nenni ekki aðra fýluferð!!

Geimfrú, já, þetta var æði, þú ert algert yndi.  Og aldrei að vita nema ég detti inn hjá þér ef þú ert einhverntímann heima...vinnual..!!

Dúa, nú er ég alvarlega forvitin.  Ég er nefninlega úr sveitinni, frá Ormsstöðum...ef þú ert einhverju nær...!! 

[Ásdís Sigurðardóttir, 5.4.2007 kl. 21:32]

Skrítið með okkur konur hvað við erum duglegar að þrífa húsin okkar þegar okkur leiðist, en ég þekki þá reyndar konur sem leiðist aldrei 

[SigrúnSveitó, 5.4.2007 kl. 21:38]

hahaha, ég verð að viðurkenna að ég þreif húsið af því að geimfrúin var að koma í heimsókn...annars væri örugglega allt skítugt enn.  Mér leiðist aldrei svo mikið að ég fari að þrífa!!!

[Hugarfluga, 5.4.2007 kl. 21:52]

Ertu lasin, kjellingin mín? Þá er nú um að gera að þrífa og elda nógu mikið til að ná pestinni sem fyrst úr sér! *hristihaus* ... hehe ... góðan bata, 'skan.

[Steinunn Helga Sigurðardóttir, 6.4.2007 kl. 08:12]

gott að heilsan er að koma aftur.

ljós til þín og gleðilega páska

steina 

[SigrúnSveitó, 6.4.2007 kl. 09:34]

Ok Dúa, þá er ég miklu nær Ég man eftir Skúla, og auðvitað vel eftir öllum hinum sem þú nefnir.  Hákon reyndar dó fyrir mörgum árum.  En þetta eru amk sveitungar mínir

Jú, stelpur, heilsan er bara mjög góð núna, sem betur fer.  Þetta var ekki gott, eiginlega svakalega vont en nú ætla ég að njóta páskafrísins

Kærleiksknús til ykkar allra. 

[SigrúnSveitó, 6.4.2007 kl. 18:28]

hehe...ok Gurri og Hákon...