Ég fer að halda...

...að tengdamamma sé hætt að lesa bloggið mitt...!!  Engin viðbrögð, hvorki við þessu með hnéð...né þessu með lambalærið!!!  Ætli ég verði ekki bara að hringja í hana...

En við vorum sem sagt að koma heim, ég og Jón Ingvi.  Hann er búinn að sofa í morgun, enda fékk hann morfín í æð við verkjum í hálsi!!  Man ekki betur en ég hafi verið send beint heim með Ólöfu Ósk þegar hennar nefkirtlar voru teknir...enda var það á stofu úti í bæ, ekki á sjúkrahúsi.  Man líka að hún grét af sársauka LENGI!!  Hún var 11 mánaða þá...og síðan eru liðin þónokkur ár...  En Jón Ingvi vaknaði hérna um kl 12 og vildi þá fá að borða, drekka og komast úr rúminu.  Þá biðjum við í ca 25 mín eftir lækninum og svo fórum við heim...með viðkomu í sjoppu og búð því það þurfti að kaupa ÍS handa prinsinum!!!  Núna liggur hann inni í rúminu okkar og horfir á Jul i Valhal, 1. disk af 3...sjáum hvað hann nær langt í dag...annars á hann að vera inni í heila viku...svo það er nægur tími fyrir gláp...við sem erum að taka á þessu glápi...það verður að bíða eitthvað...

Ég var að spjalla við mömmu...hún sagði mér að það væri þvílíka rjómablíðan á Norðfirði, logn og 18°C!!  Ekkert smá gott veður, enda "er ´ann suðvestan"...alltaf blíða á Nobbarafirði í SV.  (Annað en hérna hjá mér...það er sko kolklikk í SV...en það er alltönnurella...)

En hann er sko fallegur, Norðfjörðurinn !!! 

Svo get ég sagt ykkur annað, ég var að spjalla við doktorinn "minn" í morgun og hann var ekkert mjög hissa á símtali frá mér...sagði að það sem ég hafi verið með rifinn liðþófa í tæpt 1½ ár áður en ég var skorin þá væri bara eðlilegt að batinn tæki tíma!!  Ef ég hefði verið skorin strax þá hefði verið eðlilegt að reikna með bata strax, en þessi flipi sem var rifinn laus hafi fengið drjúgan tíma til að nudda brjóskið og særa það...svo nú er það bara ÞOLINMÆÐI sem er málið!!!  EN, ef ég er ekki farin að finna fyrir einhverjum bata eftir 2 vikur þá á ég að panta tíma hjá honum aftur, þá er hann alveg til í að skoða mig aðeins...svo nú er bara að bíða og sjá...og vona það BESTA!!!   

Einar er farinn í höfuðborgina með lista yfir hvernig glugga okkur vantar í húsið...ætlar að láta gera okkur tilboð á nokkrum stöðum.  Spennó.  Teikningin er í "samþykkingu" hjá bænum...það ætti að koma á næstu dögum...og þá er bara að byrja að GRAFA!!  Ótrúlega spennandi...en við njótum þess þó núna að hafa Einar að mestu heima þegar hann er í fríi...þannig verður það væntanlega ekki næstu mánuði/ár...

Sendi ykkur ljós og kærleika... 

Athugasemdir

[Ragnheiður (IP-tala skráð) 3.4.2007 kl. 14:38]

Ég bara fain að lesa blogg nær daglega. En samt langt í að ég fari að blogga sjálf held ég. Gott að aðgerðin gekk vel :)  Eins gott að njóta ísdaganna.

[SigrúnSveitó, 3.4.2007 kl. 18:15]

Jamm...

[SigrúnSveitó, 3.4.2007 kl. 18:15]

...nobbari ég

[SigrúnSveitó, 3.4.2007 kl. 18:22]

Ragnheiður, gaman að fá þig í hóp lesenda

Arna, já það verður gaman og svaka jaka gaman þegar þetta verður búið...Jón Ingvi getur varla beðið eftir að fá EIGIÐ herbergi...nennir ekki að deila með litla bró. lengur...!!