Búin í dag

26.3.2007 | 15:31

Búin að ná í Jóhannes, svo ég læri ekki meir í dag. Frá 1. apríl fer hann í 8 tíma vistun, þá næ ég kannski 7 tímum á dag eða svo. Með pásum, sem Á að taka reglulega. Gleymdi því í dag og upp úr hádeginu var ég orðin gjörsamlega tóm, ekki búin að hreyfa mig frá tölvunni í einhverja tíma. Fattaði svo allt í einu afhverju ég var svona tóm, tók mér góða pásu og fór í heita sturtu...lét leka sjóðheitt vatn á auma bakið mitt og það var ferskandi og endurnýjandi. Svo ég gat skrifað helling á eftir...vonandi eitthvað af viti...búin að senda það til Annemarie til ritskoðunar... Wink

Nú er ég farin að þrá að komast út að hreyfa mig. Finn aukna þörf með hækkandi sól. Langar SVO að komast út að hlaupa aftur...en það þarf að gerast mikið með hnéð mitt áður en sú ósk rætist. Áður en ég fór í aðgerðina gat ég farið á hnén í rúminu eða t.d. á gólfinu með púða undir. Læknirinn lofaði mér að 4 vikum eftir aðgerð gæti ég farið á hnén...en ég get það EKKI ENN og það eru rúmar 6 vikur liðnar núna!! Hef reynt að fara á hnén í rúminu og bara get það ekki, er t.d. vön að skríða upp í rúm frá fótendanum (eitthvað sem ég vandi mig á þegar við vorum í svo litlu herbergi að það var ekki hægt að komast upp í rúmið öðruvísi...) en get það ekki Frown .

Svo er Einar farinn að nota bílinn að hluta til í vinnuna, þar sem hann er liðstjóri á einhverjum vöktum og þá þarf hann að mæta fyrr. Það þýðir að ég er oft bíllaus...svo nú vantar mig hjólið mitt. Er að spá í að ná í það fljótlega, en tengdamamma fékk það lánað í vetur þegar ég gat ekki hjólað. Held reyndar ekki að hún hafi notað það mikið því að strax í fyrstu ferð þá reiddist hjólið eitthvað og kastaði henni af baki...þess ber að geta að þetta er ansi sjálfstætt hjól...!! Ég held það hafi eitthvað reiðst henni að vera að drösla því út í hálku og óveður...