Veikindi

Prinsessan á bænum er orðin lasin. Hún fór að fá illt í magann og upp úr hádeginu kom 1. gusan.  Einhverju síðar kom 2. gusan og svo sú 3.   Svo núna er hún komin með hita, 39,3°.  Greyið litla, henni líður ósköp illa.  En nú er hún komin inn í holuna hans pabba síns og ætlar að kúra hjá mér í nótt (Einar að fara á næturvakt).

Ég vona að allir gestirnir okkar sleppi, en í dag hafa ansi margir komið.  Strákarnir fengu sitt hvorn vininn í heimsókn, svo komu Raggý og Inga og síðan kom Lára (vinkona mín héðan af Skaganum) og svo var pabbi hjá okkur líka (kom í gærmorgun).  Þannig að það er aldrei að vita nema fullt af fólki leggist í bælið...vona þó ekki.  Mér er reyndar sjálfri óglatt núna...en það getur víst alveg eins verið út af þessum rúmlegu 100 grömmum af Síríus rjómasúkkulaði sem ég var að TROÐA í mig...

Jóhannes á erfitt með að það er farið að vera bjartara á kvöldin.  Ef það er bjart þá ER DAGUR!!!  Og hann vill ekki - og segist ekki geta - sofna.  En hann geispar samt og gapir og sofnar um leið og hann hættir að þrjóskast, því svefnþörfin hefur ekki snarminnkað...þótt hann vildi það helst.  Ég vona að hann eigi eftir að venjast þessu...þar sem það á bara eftir að verða bjartara...og bjartara...  Ég verð að segja að ég elska þessa birtu, veit fátt yndislegra en þegar það er bjart allan sólarhringinn (og hlæ að dönum sem tala um sínar "björtu nætur"...það verður samt kolniðamyrkur í einhverja tíma!!).  Vorið er yndislegur tími, allt að lifna við...og þó það sé kalt þá er AÐ BIRTA!!!   

Jæja, ég ætla að spjalla aðeins við manninn minn áður en hann fer að vinna...

Athugasemdir

[SigrúnSveitó, 25.3.2007 kl. 22:14]

Takk

[Ásdís Sigurðardóttir, 25.3.2007 kl. 22:48]

hef heyrt sögur af fólki sem hefur legið allt upp í viku í gubbu, vona að það verði ekki eins slæmt hjá ykkur

[SigrúnSveitó, 26.3.2007 kl. 07:25]

ojojoj, já Ásdís ég ætla rétt að vona að þetta sé ekki vikupest...

Já, Gurrí það er gaman að hitta gamlar vinkonur.  Endurnýjaði einmitt kynnin við eina æskuvinkonu meðan ég bjó í Danmörku, höfðum misst sambandið fyrir mörgum árum en erum nú aftur "saman á ný", yndislegt

[jóna björg (IP-tala skráð) 26.3.2007 kl. 09:06]

Súúúúkkulaði er gott, tala nú ekki um frá Nóa og Síríus. En ég læt mér duga útlenskt og er dugleg að spæna það í mig með rúsínum og hnetum.. og te það má ekki gleyma teinu með til að bræða..

[SigrúnSveitó, 26.3.2007 kl. 11:10]

hahaha, já, ég vil þó heldur kaffi með en það er líka GOOOOOTTTTT!!