Aum í bakinu...

...ég held ég sé búin að halda of mikið á Jóhannesi í Danmerkurferðinni og svo það að sofa í heilan mánuð á 90 cm með lítinn orm í rúminu hjá mér sé ástæðan fyrir bakverkjum.  Íhuga að fara að synda á morgnana þegar ég er búin að skila Jóhannesi í leikskólann...það er víst gott fyrir vöðvabólgu...bara ekki bringusund...

...það hins vegar veldur mér smá hugarangri þar sem ég hef aldrei lært almennilega að synda skriðsund...eða mér finnst það ekki.  Ætti kannski að prófa.  Ég hef alltaf verið svo upptekin og hrædd við álit annara að ég hef aldrei þorað að synda.  Skrítin skrúfa ég...  Eins og fólk sé eitthvað að glápa á sundtæknina hjá mér...og ef það gerir það, hvað með það þá?  

Hef stundum íhugað að skrá mig á sundnámskeið fyrir fullorðna, en kannski þarf ég þess ekkert, kannski þarf ég bara að demba mér í sund og SYNDA!!!  Hluti af þessu er líka vatnshræðslan mín.  Lenti nefninlega í "voldsommri" kaffæringu áður en ég var orðin synd og var hræðilega hrædd.  Svo held ég bara svei mér þá að ég hafi drukknað í fyrra lífi!  

Jæja, nóg bull í bili og nógu löng pása...ætla að halda áfram að LESA!!!  Um alkohólsima...

Athugasemdir

[Salný (IP-tala skráð) 21.3.2007 kl. 14:38]

burt séð frá spéhræðslu eða ekki, held að það sé bara sniðugt að fara á sundnámskeið og rifja upp sundstökin. Er einmitt sjálf í brasi með skriðsundið, ég geri það eitthvað vitlaust svo það verður extra erfitt fyrir vikið (NB. svindla sko ekki  með neinar froskalappir eða svoleiðis), nema ég sé í svona hrikalega lélegu formi, sem gæti reynar líka verið.

þannig að ef það er boðið upp á fullorðinsnámskeið á skaganum myndi ég drífa mig.. ef ég væri þú...

[SigrúnSveitó, 21.3.2007 kl. 14:41]

Takk fyrir þetta

[Jóhanna (IP-tala skráð) 21.3.2007 kl. 15:19]

Hva, ég gat ekki betur skilið á sundpæjunum í Vesturbæjarlauginni en að það væri mjög kúl að fara á sundnámskeið. Þar eru reyndar sérstök skriðsundnámskeið og ég veit ekki betur en froskalappirnar séu notaðar þar í kennslunni svo að fólk læri að hreifa fæturna á réttan hátt. Froskalappirnar eru fínar ef maður vill þjálfa vöðva í fótunum sérstaklega en ef maður vill reyna meira á hendurnar finnst mér betra að sleppa þeim. Sjálf gerði ég þetta bara allt í bland og er nú að hugsa um að fara að prófa köldu sundlaugina hérna í nágrenninu því ég er farin að sakna sundsins alveg óskaplega. Ég mæli a.m.k. með sundinu, góð hreifing og svo hittir maður alltaf e-ð skemmtilegt fólk í leiðinni.

[SigrúnSveitó, 21.3.2007 kl. 15:46]

ok, gott að vita.  Þannig að ég er ekkert mjög "halló" ef ég skelli mér á sundnámskeið!! 
Er nánast farin að örvænta með hlaup og þetta blessaða hné mitt...

[Hugarfluga, 21.3.2007 kl. 19:17]

Mér finnst spölurinn úr búningsklefanum og út í laug erfiðastur. Svo þegar ég er komin ofan í laugina sprikla ég og baða út öllum öngum og syndi með mínum stíl. Fæ stundum augngotur frá sundlaugarverðinum ... hann er ekki alveg viss hvort ég sé að drukkna eða bara að snúa við á miðri leið ... but who cares. Sund er gott fyrir kroppinn!

[SigrúnSveitó, 21.3.2007 kl. 19:40]

hahaha, ég sé þetta fyrir mér, Hugarfluga.  Ég held ég ætti að taka þig til fyrirmyndar