Kennslu lokið!!!

Það var skrítin tilfinning í morgun að keyra í skólann, allra síðasti kennsludagurinn í náminu!! Undarleg tilfinning að nú á ég ekki eftir að sjá margar af *kerlunum* meir.  Kerlur sem hafa verið hluti af mínu daglega lífi meira og minna í 3 ár.  Sumar meira en aðrar og sumar þeirra á ég eftir að hitta í framtíðinni.  Aðrar ekki.  Og það er svo sem ekki söknuður af þeim öllum...en þannig er lífið bara.  

Við fórum og hittum Lis, leiðbeinandann okkar.  Komum klókari út, sem er gott.  Erum tilbúnar í slaginn, enda þýðir ekki annað.  Það getur vel verið að verkefnið eigi *bara* að vera 30 bls. en við þurfum að gefa upp 1200-1500 lesnar blaðsíður...svo næstu 2½ mánuðir verða ekki mánuðir sem ég ligg í leti...  Hlakka til að takast á við þetta verkefni, en ég hlakka sannarlega líka til þegar það er búið og ég get farið að *bara* vinna...

Nú fer að styttast í heimferð.  Ég hlakka mikið til að koma heim, hlakka til að hitta og knúsa prinsessuna mína og kúra í armi elskunnar minnar. 

EN, ég finn samt að það er smá kvíði í mér að segja bless við Danmörku aftur.  Ég segi eins og Jón Ingvi; "Ég á miklu fleiri vini hér".  En ég veit að þetta er ekki endanleg kveðjustund, ég á eftir að hitta þessa vini mína aftur...og aftur...og aftur.   

Athugasemdir

[Guðríður Hrefna Haraldsdóttir, 15.3.2007 kl. 19:30]

Þú ert heppin að þekkja svona marga í Danmörku ... þetta verður eins og annað föðurland þitt Hlakka til að fá þig heim. Sjáumst sem fyrst, alla vega þegar þú ert búin að knúsa karlinn og stelputryppið í klessu! 

[SigrúnSveitó, 15.3.2007 kl. 19:47]

hehe, já það þarf að knúsa þau mikið...!!! 

Sjáumst fljótlega.

[Steinunn Helga Sigurðardóttir, 16.3.2007 kl. 07:13]

Þið farið öll heim !

Steina í Lejre 

[SigrúnSveitó, 16.3.2007 kl. 07:24]

Júbb, þar sem hjartað á heima, það er rétt.  Ég heyri til á Akranesi, en Danmörk á samt stóran hluta af hjartanu mínu, enda áttum við okkar fyrstu 9 ár saman hérna.

Já, Steina, flest okkar fara heim aftur.  Hvað með þig?  Ég fór til Lejre í fyrravor með leikskóla eldri stráksins míns, í "Forsøgscenteret".  Flottur staður!!   

[Steinunn Helga Sigurðardóttir, 16.3.2007 kl. 11:19]

nei, ég fer sennilega ekki heim til að flytja, dóttir okkar stóra er að flytja hingað með fjölskylduna sína, sonur okkar sem hefur búið hérna frá því hann var 8 ára er orðin dani, og hann fengjum við ekki til að flytja, sólin litla dóttir okkar elskar að búa í lejre ! og við höfum það gott hérna, lejre er líka frábær staður. það eru svo margir vinir sem eru flutt heim, og það hefur alltaf verið svo sárt. vinafólk okkar flutti heim í fyrra eftir 17 ár í DK,fólk sem við héldum jól og þess háttar með. súrt.jóna ingibjörg (líka bloggari) sem við gerðum alltaf laufabrauð með flutti heim, en þessu verðum við að lifa með.......

steina