Ég er kvefuð!!!

8.2.2007 | 22:47

...sem svo sem ekki er kannski í frásögur færandi. Hér snörla allir og sjúga ótt og títt upp í nefið...nema þeir sem eru komnir yfir þann kafla og eru farnir að hósta all-svakalega (þá á ég við Ólöfu Ósk og Jóhannes)...

EN þrátt fyrir að vera með agressívt NEF-kvef þá er ég að kafna úr óþef!!! Lyktarskynið er sem sagt ekki horfið mér að öllu! Skrapp á fund með bóndanum í kvöld. Það er reykherbergi í húsinu svo ég lykta alltaf illa þegar ég kem af fundi. Frekar hvimleitt, þykir mér. En svo fórum við á kaffihús á eftir...og þar er sko REYKT!! Þvílíkur og annar eins FNYKUR!!!!

Mér dettur Rut Reginalds í hug, syngjandi; "Það er alger vitleysa að reykja...OG MENGAR LOFTIÐ FYRIR MÉR...!!!"

Mikið verður gott þegar kaffihús verða orðin reyklaus!!!

Einhverntímann hefði ég ekki verið svo sátt við það...en í dag hlakka ég til. Hlakka til að geta farið á kaffihús án þess að þurfa að henda öllum fötunum í þvottavélina þegar ég kem heim, fara í sturtu til að geta verið nálægt sjálfri mér...ojojoj, hárið á mér angar langar leiðir and so on and on and on...!!

Bless, farin í sturtu...

Flokkur: Bloggar | Facebook

Athugasemdir

Nýtt kaffihús opnar á morgun eða hinn (opinberlega) á Kirkjubrautinni hér á Skaganum og það verður reyklaust, eins og öll bestu kaffihús landsins eru!!! Við sem elskum að fá okkur smók með kaffibollanum eigum í ansi fá hús að venda ... og bráðum engin!

Kíkjum einhvern daginn saman á nýja kaffihúsið, það er við hliðina á Nínu, flottu búðinni sem Dorrit kaupir stundum fötin sín í.

Guðríður Hrefna Haraldsdóttir, 8.2.2007 kl. 23:13

Endilega, gerum það.

Já, það er orðið erfitt að vera reykingamanneskja á þessum síðustu og verstu...

SigrúnSveitó, 8.2.2007 kl. 23:19

Það verður hópferð hjá bloggurum á Skagann einhverja næstu viku. Guðmundur Jónsson ætlar að skipuleggja og ég gera dagskrá. Dagskrá: Keyrt undir ærandi dauðarokki á Skaga. Kaffihúsið reyklausa heimsótt og drukknir nokkrir Lattear og borðaðar Napoleonskökur með bleikum glassúr (sem er viss um að muni fást þarna). Farið í uppáhaldsbúð Gurríar og Dorritar og nokkrum dúkötum eitt. Farið í gönguferð að Himnaríki og svalirnar metnar að utan. Keyrt sem leið liggur til þurrabúðarinnar aftur.