Letilíf...

Ég var ekki að nenna að gefa blessuðum börnunum að borða...leyfði þeim að sjá um sig sjálf...reyndar eru þau hæstánægð þegar þau fá að borða ristað brauð í kvöldmat...svo þetta er kannski allt í lagi svona einstakasinnum

Við fórum víða í dag, m.a. í Ikea.  Keypti mér þetta fína borð, sem ég er búin að setja saman núna og komin með tölvuna mína á það.  Miklu betra, hún hitnar ekki svona mikið á ómeðhöndluðu borði eins og einhverju plastdrasli...!!!  Ég reyndar efast um að þetta borð hafi eitthvað margra ára líftíma...enda kostaði það bara tæpar 4000 íslenskar krónur.  En við sjáum til.  Amk fram á vor þar til ritgerðarsmíðinni er lokið.

Við kíktum á eldhúsinnréttingar, fundum þá sem við höfum lengi heillast af.  Gaman að skoða svona margar hugmyndir af eldhúsum, því þá er auðveldara að teikna eldhús í húsið "okkar".  Oooohhh, þetta er eiginlega að verða mjög spennandi verkefni.
Hingað til hefur þetta verið "hið spennandi verkefni Einars" og ég hef haft svona takmarkaðan æsingslegan áhuga...eiginmanninum til einhvers ama...en nú held ég að ég sé að verða "tændt"!!!  

Hnéð á mér er að lagast, ég er ekki eins hölt og í gær, en er samt búin að rölta töluvert í dag.  Ég þurfti að taka teygjubindið af til að festa það betur í dag...og náði þá að gægjast aðeins undir...ég var orðin forvitin að sjá.  Ekki að það sé mikið að sjá, annað en þrjú "göt" sem eru límd aftur, svo er slatti af mari...annað var nú ekki að sjá!!  Snilld þessi speglun sem læknar framkvæma og gera þar í gegn ýmsar aðgerðir.  Hér áður fyrr var ekkert annað að gera en "bara" skera og svo fjarlægja liðþófann eins og hann lagði sig!!!  En nei, ekki í dag.  Tæknin, I love it

Ég er búin að taka ákvörðun um að prófa að sækja um vinnu hérna í mínum heimabæ.  Hef hugsað töluvert um það, það væri náttúrlega best og hagkvæmast ef ég fengi job hér...en svo LANGAR mig bara svo mikið að vinna í geðinu...EN, nú ætla ég að tékka á þessu, leggja inn umsóknir og þess háttar og svo "bara" leggja þetta í hendurnar á ÆM!!  Og hugsa sem svo; "...what ever will be, will be..."!!!   

En það sem er næst á dagskrá hjá mér er að koma yngsta barninu í rúmið...bless í bili...!!!

Athugasemdir

[Guðríður Hrefna Haraldsdóttir, 5.2.2007 kl. 20:13]

Mikið vona ég að þú fáir vinnu á Skaganum, sjúkrahúsið er svo frábært hérna. Geðið er eflaust líka frábært! Þetta kemur bara í ljós. Gott að fóturinn er að verða betri!

[SigrúnSveitó, 5.2.2007 kl. 20:49]

Takk .  Já, ég hef eiginlega bara heyrt gott um sjúkkhúsið hér...hluti af mér vonar að ég fái vinnu hér...hluti af mér VILL GEÐIÐ!!!  Erfitt að vera svona splittaður...

[SigrúnSveitó, 5.2.2007 kl. 23:38]

gleymdi að spyrja hvaða ár þú ert fædd...??!!