Home Sweet Home

Þrátt fyrir að ég sé svo heppin að eiga yndislega tengdamömmu sem ég var hjá í góða atlæti, og átti með henni yndislegar stundir undanfarna daga þá er alltaf gott að koma heim.  Eins og danirnir segja; "Úti er gott, heima er best". 

Ég tók strætó hérna uppeftir áðan og fór beint á leikskólann til að sækja Jóhannes og bílinn.  Fékk náttúrlega hlýjar móttökur og stórt knús&kúr í hálsakot frá honum með orðunum; "Ég saknaði þín".  

Við fórum og sóttum Jón Ingva.  Hann var líka glaður að sjá mig, sagði hann amk.  Hann ber ekki tilfinngar sínar á torg eins og við hin gerum.  En svo þegar heim kom þá fékk ég stórt knús hjá honum líka.  Yndislegt.

Núna bíðum við eiginlega bara eftir á Ólöf Ósk komi heim, því þá brunum við til Reykjavíkur...mest langar mig að fara undir sæng að sofa.  Það er eins og úr mér sé allur kraftur.  Ég fór ekki seint að sofa, svaf reyndar ekki vel, miklir og ruglaðir draumar og svo var ég alltaf að vakna.  En vá, svona próf taka á, og ræna mig allri orku.  

Ég ætla nú samt að fara að vinna á morgun, á eftir að ganga frá einhverjum pappírsmálum með leiðbeinandanum mínum, og svo langar mig líka ekki að hætta þarna!!!  EN ég er að fara þangað aftur þegar ég kem heim frá Dk um miðjan mars!!!  Svo það er bara frábært.

Hugsið ykkur, núna er bara EITT próf eftir og þá er ég orðin HJÚKKA!!!  Ég er ekki að ná þessu, en þetta er frábært.  Ég er eiginlega bara ansi stolt af sjálfri mér í dag. 

Athugasemdir

[Ragnheiður Björnsdóttir (IP-tala skráð) 24.1.2007 kl. 15:23]

Frábært, frábært :) Til hamingju elsku Sigrún. Sjáumst vonandi á morgun

 Knús Ragnheiður hjúkka :)

[maría (IP-tala skráð) 24.1.2007 kl. 17:20]

Frábært að heyra eða lesa öllu heldur að allt hafi gengið vel.

Kv María 

[Guðríður Hrefna Haraldsdóttir, 24.1.2007 kl. 17:43]

Ég vissi þetta allan tímann!!!

[Guðríður Hrefna Haraldsdóttir, 24.1.2007 kl. 17:44]

... og til hamingju, elsku krúttttttttttttttttttt!!!!!

[SigrúnSveitó, 24.1.2007 kl. 18:11]

Darlings, takk, takk.  Mér finnst voða gott að vita að þið hafið trú á mér. Mig skortir stundum þessa trú á sjálfa mig, svo þá er gott að hafa gott "bakköpp"

Ragnheiður, ég kem ekki á morgun, skátafundirnir hjá Ólöfu Ósk voru færðir yfir á fimmtudagana svo hún valdi þá í bili fram yfir fundina.  Svo ég kem þá heldur ekki, því miður EN við verðum að fara að finna tíma til að hittast svo við getum byrjað á stálinu!!

[Ragnhildur frænka (IP-tala skráð) 25.1.2007 kl. 08:23]

Gangi þér rosa vel í þessu síðasta prófi .. þú rúllar þessu upp eins og öllu hinu :)

[SigrúnSveitó, 25.1.2007 kl. 11:14]

Takk, frænka.  Það er sem betur fer 5 mánuðir eða svo í næsta próf...þannig að ég ætti að ná upp kröftum eftir þetta áður hehe....