1. prófdagur...

...já, 1. prófdagur búinn.  Reyndar mætti alveg taka s.l. nótt með og þá væri þetta langt komið.  Mig dreymdi sem sagt alla nóttina að ég væri í prófi!!!  Alveg magnað hvað kroppurinn og hausinn bregðast alltaf við á sama hátt við prófum! 

En dagurinn gekk vel.  Ég fékk amk hrós og hvatningu frá t.d. deildarsjóranum sem sagði að ég væri að standa mig vel.  Svo það er alveg ljómandi.  En það er bara þannig að fyrstu 2 dagarnir eru ekki málið.  Auðvitað er svolítið öðruvísi að vera þarna og vita að það er fylgst með mér...en samt ekki svo slæmt.  En hins vegar er það 3. dagurinn, þetta blessaða munnlega próf sem danir eru svo ægilega hrifnir af sem er pínan mikla!!!  En samt ekki.  Það er bara fyrirfram sem það er pína, svo líða þessar 45 mínútur ægilega hratt og svo er allt búið.  Þannig hefur það amk verið og verður vonandi líka "i overmorgen"!!!  

Ég er ótrúlega eirðarlaus, á erfitt með að ákveða hvað ég ætla að fókusa á, veit ekki hvar ég á að leita að því sem mér finnst ég þurfa núna, og svo er ég búin að skrifa heil ósköp og mér finnst ég ekki muna neitt.

En shit hvað þið hljótið að vera orðin þreytt á þessu próftali/prófskrifum í mér!!!  En þið verðið að þrauka með mér!!!

Ég er búin að ákveða að mæta í vinnu á fimmtudag, og jafnvel á föstudag...en þori samt ekki að segja það upphátt því ég vil ekki mæta ef ég fell...og ég veit að ég á að stroka þetta litla orð "ef" út úr orðaforðanum hjá mér...það segir amk elsku maðurinn minn.  Og ég veit að hann er að segja satt!!!  Svona keyrir hausinn á mér áfram...endalaust.

Og ekki nóg með það, heldur er ég byrjuð að borða sykur aftur!!!  Var að spá í að segja ykkur ekki frá því, bara laumast við þetta...en það virkar ekki fyrir mig að gera það þannig.  Nú er bara að sjá hvort...eða öllu heldur HVENÆR ég missi stjórnina á sykurátinu.   

Jæja, best að lesa... 

Athugasemdir

[Jóna (IP-tala skráð) 23.1.2007 kl. 08:36]

Elsku kerlingin mín, þú hefur ekkert gott af þessum sykri, hættu bara aftur meðan leikurinn er varla byrjaður. Þér gengur öruggl betur án hans í prófunum

[Bara ég sjálf, 23.1.2007 kl. 10:19]

Gangi þér rosalega vel dúllan mín.  Ég skal hugsa fallega til þín og ég hef nú mjög mikla trú á þér.  Þú veist að í mínum huga getur þú allt.  Ég þarf bara að ná að sannfæra þig..

Kveðja María

[Magnea Móberg Jónsdóttir (IP-tala skráð) 23.1.2007 kl. 10:27]

Elsku Sigrún mín ég veit að þér gengur vel með það sem eftir er eins og það sem búið er. Lagið ,, Fallinn með 4,9" sönglaði líka alltaf inni í hausnum á mér fyrir prófin en það samt alltaf vel.

Mundu að þú getur allt sem þú ætlar þér og þú ert æðislega góð í því sem þú ert að gera.

Orðin ,, ef og ætti" á að þurrka út úr tungumálinu. Ástarkveðja frá mömmu.

[SigrúnSveitó, 23.1.2007 kl. 13:19]

takk fyrir, elskurnar.