lesi les

Ég er að lesa sérstaklega skemmtilega kafla um "Kvalitet i socialpsykiatrien" eða "Gæði í félags-geð-geiranum".  Athyglisvert.  Vona bara að það sé hægt að heimfæra þetta eitthvað á batteríið hérna...verð að kanna það á morgun.  

Nú fer að styttast ískyggilega mikið í prófið...ég er búin að finna (í samvinnu við leiðbeinandann minn) sjúklinga til að hafa í prófinu.  Svo morgundagurinn fer í að grafa djúpt í þeirra sögu svo ég verði ægilega klár í þeirra málum.  Svo er bara að finna geggjaða lausn á þeirra málum, og vúptsí...allt gengur upp!!!  

Var ég búin að segja ykkur frá dagsetningunni á útskriftinni minni?  28. júní!!!  Mér finnst þetta svo ótrúlegt, og þori eiginlega ekki að fullyrða neitt enn.  Að ég sé bráðum að ljúka háskólanámi finnst mér náttúrlega bara hálfgert djók.  Átti sko aldrei von á að ÉG gæti slíkt.  En þökk sé ÆM og "leynifélaginu" þá er þetta allt að takast.  Án þeirra hefði ég aldrei byrjað í þessu námi.  Svo þetta er enn eitt kraftaverkið.  

---

Jóhannes var bitinn illilega á leikskólanum í dag.  Hann var að leika með STÓRAN löggubíl þegar einn guttinn á deildinni kom og vildi leika með bílinn.  Jóhannes vildi ekki sætta sig við að bíllinn væri bara sí svona tekinn af honum og mótmælti meðferðinni.  Þá reiddist hinn víst og lét tennurnar vaða í upphandlegginn á Jóhannesi.  Það mætti gera mót af tönnum kauða...allt settið sést vel.  Jóhannes er bólginn og marinn, en sem betur fer var þetta ekki gegnum húðina.  Jóhannes sagði að þetta hafi verið "dáldið vont"!!  En Jónína (besta kona og græna kona) bjargaði honum frá að vera étinn...

Annars ekkert að frétta.  Ekkert nýtt af húsamálum.  Veit ekki hvað er næsta skref, en ég þykist vita að Einar viti það

Erum að fara í stórafmæli á fimmtudaginn.  Heimsins besta tengdamamma verður sextug.  Mér finnst svo stutt síðan hún varð fimmtug...en það var einmitt 3 mánuðum áður en við fluttum til Danmerkur...Svona líður tíminn hratt. 

Best að lesa aðeins meira... 

Athugasemdir

[Guðríður Hrefna Haraldsdóttir, 17.1.2007 kl. 19:36]

Mikið áttu yndislega dóttur. Hún kom áðan og fékk bók hjá mér og gerði sér lítið fyrir og kippti tveggja daga skammti af dagblöðum með sér. Ég hef ekki treyst mér niður vegna bakverkja og dúllað mér bara heima í tvo daga. Meira krúttið! Takk fyrir að eiga svona æðisleg börn. Er búin að setja mynd af þeim á Moggabloggið mitt. 

[SigrúnSveitó, 17.1.2007 kl. 22:07]

Oooohhh, ég segi nú Takk sömuleiðis, fyrir að vera svona yndisleg og taka svona vel á móti henni alltaf.  Það er svo mikils virði fyrir okkur.  Knús...