Sundferð og kannski eitthvað fleira

Við fórum sem sagt í sund þarna í dag.  Þetta er nú alveg einstakt að geta farið í sund í -4° og allt í snjó í kringum okkur. Rennibrautin var ekki opin, það var skafl í henni.  En vatnið var heitt og notalegt.  Ég er ekki hissa að útlendingar liggi flatir yfir þessu.  Þetta er náttúrlega bara frábært.  Og það meira að segja þó ég sé ekki sérlega mikið gefin fyrir sund.  Mér finnst það ekki mjög gaman...en þetta var samt frábært því gleðin hjá börnunum var svo stór.  Við höfum ekki farið mjög lengi, Jóhannes hefur ekki farið í sund síðan áður en hann skar sig í fótinn...og ég held það hafi verið í október.  Það er náttúrlega skammarlegt, sérstaklega í ljósi þess að sundlaugin er í 5 mín. göngufæri og það er frítt fyrir börn í sund og kostar bara 220 íslenskar krónur oní...!!!  (Við fórum samt á bílnum...og svo ég afsaki mig...ég er félagslega fötluð á fæti...og þurfti líka að fara í búð...)

Svo komum við heim og vitiði hvað?!!  Börnin héldu áfram að rífast!!!  Það er sérlega slæmt samkomulag milli Ólafar Óskar og Jóns Ingva þessa dagana.  Vona að það lagist fljótlega...þetta er erfitt fyrir alla, og ekki minnst þau sjálf. 
En við létum það ekki á okkur fá, fengum okkur fiskibollur al´a tengdó í kvöldmatinn og svo lásum við "Fíasól á flandri"...eða tvo kafla...frábær bók.  Jón Ingvi liggur alltaf í hláturskasti yfir Fíusól enda segir hún ýmislegt eins og "Kúkalabbi" og fleira fyndið!!!

Svo hætti ég að lesa um "virka hlustun" og hin ýmsu form líkamlegrar tjáningar (sjáið hvað ég er orðin klár á íslensku!!!  Allt mínum dyggu lesendum að þakka.  Þeir sem ekki hafa getað kommentað hjá mér hafa gert sér lítið fyrir og haft upp á netfanginu mínu!!!  Ekki slæmt.  Gott að kunna að biðja um hjálp!!!). 
Núna er ég að lesa hvað Kari nokkur Martinsen segir um "umhyggju".  Aldrei að vita nema ég geti fundið eitthvað gagnlegt þar.  

En núna er kl. 22.08...ég ætla að fara að sofa svo ég nái kannski eins og tæpum 8 tímum... Einar er að vinna svo strákarnir fengu að sofa upp í...Ólöf Ósk er búin að panta plássið næst þegar Einar fer á næturvakt.  Ég þarf ekki að óttast að þurfa að sofa ein...litla kuldaskræfan ég.  

Góða nótt, elskurnar. 

Athugasemdir

[Jóna (IP-tala skráð) 15.1.2007 kl. 10:15]

Einir (einir, getiur maður sagt það?) vinir okkar keyptu sér rúm um daginn sem er 2.10 í breiddina, lotts of space. Ekki svo galin hugm. með 3 börn

[ég sjálf að vinna (gaman, gaman) (IP-tala skráð) 15.1.2007 kl. 13:29]

Nei, það er ekki svo galin hugmynd.  Ég stakk einmitt upp á því við Einar að við myndum bara láta sérsmíða rúm inn í nýja húsið...þannig að svefnherbergið yrði bara eitt stórt rúm!!! 
...honum líst ekki eins vel á þessa hugmynd...

[Guðríður Hrefna Haraldsdóttir, 15.1.2007 kl. 16:01]

Ég er með frábæra bók handa Ólöfu Ósk, ekta gelgjubók :)

[SigrúnSveitó, 15.1.2007 kl. 17:15]

Já, hún var að tala um að þú værir með einhverja bók.  Mjög spennt, litli lestarhesturinn minn.