Húsið okkar

Jæja, Einar er búinn að teikna enn eina teikninguna.  Var kominn með "nýtt hús" þegar ég kom heim úr afmælinu í gær.  Mjög flott.  Svo settum við upp eldhús í Ikea forriti.  Mjög gaman að leika með þetta.  Mér finnst þetta hins vegar allt mjög óraunverulegt. 
Svo fór hann áðan að hitta einhvern vinnufélaga sem er að byggja eitthvert "kubbahús".  Það er nýjasta hugmyndin hjá honum, og nú er hann kominn af timburhúsi og yfir á "kubbahús".  Svo fer hann að hjálpa þessum vinnufélaga að gifsa loft næsta föstudag, sá hefur aldrei gifsað.  Svo ætlar þessi maður að koma og hjálpa Einari þegar hann fer að gera grunn.  Svona á þetta að vera. 
Amish-fólkið reisir líka hús á skemmtilegan hátt, ef marka má bíómyndir.  Allir koma saman og byggja húsið á jörðu niðri, svo er híft og slakað og vúpsí; það er komið hús.  Hreinasta snilld.

Jón Ingvi er strax farinn að hlakka til að fá eigið herbergi.  Það hefur ekki verið neitt hjartans mál fyrr en allt í einu núna þegar þetta fyrirhugaða húsaverkefni kemur til tals.  

Ég er í smá pásu frá lestri núna.  Er annars búin að lesa slatta í dag, og er í augnablikinu ekki með neinn ótta um að falla.  Best að reyna að halda í þetta óttaleysi!!!

Núna ætla ég að taka mér góða pásu og fara með börnin mín í sund.   

Athugasemdir

[Einar Sveinn (IP-tala skráð) 14.1.2007 kl. 15:48]

Bið að heilsa nafna, þú ert heppin að eiga svona duglegan og fjölhæfan eiginmann.

Kveðja úr Garði

Einar Sveinn

[SigrúnSveitó, 14.1.2007 kl. 17:41]

Blessaður, Einar Sveinn.

Ég skila kveðju.  Já, mér finnst ég líka heppin

Ætlið þið ekki að kíkja í heimsókn við tækifæri?  

Kv.  

[SigrúnSveitó, 14.1.2007 kl. 17:41]

Blessaður, Einar Sveinn.

Ég skila kveðju.  Já, mér finnst ég líka heppin

Ætlið þið ekki að kíkja í heimsókn við tækifæri?  

Kv.  

[Guðríður Hrefna Haraldsdóttir, 14.1.2007 kl. 21:59]

Gaman að byggja hús eftir draumateikningunni, ekki bara eftir einhvern arkitekt ... Hlakka til að sjá þetta allt hjá ykkur. Nú er ég komin á Moggabloggið líka og kann ekkert á það. 

[SigrúnSveitó, 14.1.2007 kl. 22:11]

Já, sýni þér teikninguna fljótlega.  Örugglega eftir próf...allt á að ske eftir próf... já, og velkomin á moggabloggið.