Ég er EKKI ólétt!!!

Og hana nú!!!

Skil samt ekki þessa magaverki og ógleði.  En núna ætla ég að prófa að taka feitu mjólkurvörurnar út!! Kaupi meiri soyamjólk...eða kannski hrísmjólk...hvernig ætli hún sé hituð??  Jóna, hefurðu reynslu?? Hefurðu prófað hrísmjólk í te-latte´ið þitt??

---

Fór á fætur með skólabörnunum okkar í morgun, skreið svo upp í aftur þar sem leikskólatappinn okkar var sofandi enn.  Einar var líka sofandi, hann er að fara á næturvakt.  Nema hvað, ég náði eiginlega ekki að sofna aftur, reiknaði með kalli frá þeim stutta fljótlega.  Nema hvað.  Svo heyri/skynja ég, að hann opnar hurðina og trítlar inn...og er kominn að rúminu...ég átti von á að hann myndi hoppa upp í á hverri stundu...þá kallar hann - úr rúminu sínu!  Ég er ekki í vafa, þetta var fylgjan hans, komin á undan honum.  Ekkert óþægilegt við þetta, bara gott sem honum fylgir   Hef ekki fundið fyrir svona fylgju áður, þó ég hafi skynjað og séð ýmislegt gegnum árin.

---

Núna ætla ég að fara að hræra í ostabollur...og steikja.  Tók út 2,5 kg af hakki og nú verður steikt í löngum bönum!!!

Ostabollur, uppskrift frá múttunni minni.

400 gr nautahakk
100 gr rifinn ostur
1 dl raspur
2 dl mjólk
1 st egg
kjötkraftur - Kød og grill

Öllu blandað vel saman, gerðar bollur, velt upp úr raspi, steikt á pönnu, sett í ofn og steikt "færdigt".
Borið fram með kartöflum og feiti...Bernais fyrir þá sem það vilja (Einar t.d. elskar Bernais...ég er ekki eins hrifin...)

---

Bless í bili.  Ást... 

ojojoj

Ég skil ekki hvað er hlaupið í magann á mér... Síðan ég fékk þessa magapest fyrir rúmum 3 vikum (eða tæpum 4) hef ég fengið annað slagið svona geðveikt ógleðikast.  Ligg á sófanum og líður ömurlega.  Í dag fylgdi hausverkur...eða þá að ógleðin tengdist hausverknum...!!  Don´t know.

Hins vegar er ég eitthvað sjúkdómahrædd þessa dagana...ætti kannski að fara í heilsufarstékk (eins og sumir vinnustaðir bjóða reglulega upp á)?!!  Hef einu sinni farið í blóðtékk, svona til að ath með kólesteról...og svoleiðis, því það eru hjarta-og æðasjúkdómar í ættinni...ættunum mínum.  

---

Nóg um það.

Hér stendur yfir gelgjupartý.  Ólöf Ósk bauð stelpunum úr bekknum í síðbúna afmælisveislu.  Það voru steiktir hamborgarar ofan í liðið og svo liggja þær inni og horfa á einhverja bíómynd og troða í sig snakki og nammi.  Það er víst mál málanna...!!  13 stelpur og lokaður gluggi = táfýla og súrefnisleysi!! Vona að þær fái ekki hausverk...af súrefnisleysinu...!!

Ég og Jóhannes voru í fríi í dag.  Dútluðum okkur í morgun, fórum seint á fætur, fórum í bað og áttum góðan tíma saman.  Svo skruppum við í nokkrar búðir og síðan í kaffi á efstu hæðina.  Það var voða gaman hjá okkur.  Fórum heim rétt í þann mund sem ógleðin og höfuðverkurinn var að hellast yfir mig :( 

Jamm...best að prjóna smá...svo er foreldrafundur í sundhópnum hennar ÓÓ á eftir, út af Esbjerg-ferðinni sem hópurinn fer í, í maí.  Afar spennandi.

Meira síðar...

Ást... 

örstutt...

...skrifa meira á morgun...er á lífi...var að vinna um helgina...leiðindakvöld í gær...og so on.

Ást... 

TAKKKKKKKK!!!!!

Takk fyrir allar yndislegu kveðjurnar, sem ég fékk í gær.  Þið eruð yndisleg.

Ég er sko alveg sammála að 1970 er ÁRIÐ!!  Mér finnst ég bara alls ekki gömul, og heldur ekkert barn.  Held ég sé loksins að verða fullorðin

Hvað varðar orð dagsins í gær um afmælisbarnið þá var bara Hrönn sem brást við spurningu minni...og sagðist ekki vita með hljómlistarhæfileikana en þætti hitt passa.  

Ég verð að vera sammála henni.  Ég hef aldrei kannað þetta með hljómlistarhæfileikana, svo ég veit ekki...hins vegar hefur mig í mörg ár langað að læra á gítar og hver veit nema ég láti verða af því einn góðan veðurdag.  En hitt er víst að ég ELSKA að syngja!!

Allt hitt, að ég sé listræn, samviskusöm, ábyggileg og gædd skilningsgóðum gæfum; ég held ég bara segi já, þetta er ég.

Ég er rómantísk og hef orðið fyrir sárum vonbrigðum...ég giftist ekki mjög snemma en heldur ekki seint, ég var 28 og hálfs. 
Vonbrigðin er ég þakklát fyrir í dag, þó þau hafi verið sár á sínum tíma.  Hins vegar, ef ég hefði ekki orðið fyrir þessum vonbrigðum og  orðið meira úr því sambandi, sem ég fæ í hugann, þá væri ég líklega bara ekki gift Einari...og það get ég ekki hugsað til enda.

Enda trúi ég því statt og stöðugt að við séum ætluð hvort öðru og ekkert hefði fengið því breytt!!!

Þegar við Einar kynntumst, árið 1995, þá kom fljótlega í ljós að við þekktum margt af sama fólkinu, þó svo að leiðir hafi ekki legið saman fyrr.  En það var strax þá greinilegt að við ÁTTUM að hittast.  Frekar magnað.
Síðan hefur margt gerst sem hefur styrkt okkur bæði í þeirri trú að við vorum "ment to be".  Og við erum líka svona ljómandi ánægð með það...og hvort annað líka Það er gott að geta sagt að ég er gift besta vini mínum.  Ég hlakka til að verða MIKLU eldri en 37...með honum.

Ég var í vinnunni um daginn og þar eru hjón á níræðisaldri sem alltaf leiðast þegar þau labba saman, og þau eru mjög ánægð með hvort annað.  Ein sem ég vinn með spurði mig hvort ég ætlaði að vera "svona" með mínum karli þegar ég yrði gömul.  Ég sagði henni að við stefndum að því, og óskuðum þess að okkur bæri gæfa til þess. 
Og við æfum okkur, því það er ekki þannig að "nú erum við 83 og þá byrjum við að leiðast".  Ég trúi að við verðum að æfa okkur alla ævi, og við verðum að hlúa að hvort öðru að og sambandinu, því annars leiðumst við ekki þegar við verðum 83!!!  

Eins og sagði í ljóðinu sem við fengum í brúðkaupsgjöf;

"...Þau vita reyndar bæði að gæfan hún er garður,
ef garðurinn er ræktaður þá verður mikill arður..."

---

En nú ætla ég að skoppa af stað með Jóhannes í leikskólann...hann ætlar EKKI að missa af samsöng!!

Ljós&friður til ykkar þarna úti... 

 

 

Ég á afmæli í dag...

Takk fyrir kveðjurnar sem þegar hafa borist!!

Mér finnst skrítið að hugsa að ég sé 37 ára!  Ef ég vissi ekki betur þá myndi ég sennilega halda að ég væri svona 25...var lengi vel 18...en er það ekki lengur...sem betur fer

Ég veit ekki afhverju mér finnst skrítið að vera 37, kannski af því að ég man svo vel eftir fertusafmælinu hennar mömmu...og mér fannst hún svo svolítið gömul... kommon...FERTUG!!!  En svona er þetta skrítið.  Mér finnst mamma ekkert gömul lengur og mér finnst ég ekkert gömul...en hins vegar þykir dóttir minni það stundum...

Hvað um það.

Ég fór að æfa í morgun og sat svo í næstum klukkutíma, þambaði kaffi og spjallaði við kerlurnar sem þar voru.  Mjög gaman.  Gréta, date-ið mitt, mætti rúmlega 8 eins og um var samið, var að koma af næturvakt.  Ætlum að hittast aftur í fyrramálið, sami staður, sami tími.  Mér finnst æði að hafa hana með í þessu, og held það sé gagnkvæmt.  Eintóm hamingja

Kom svo heim og komst að því að minn heittelskaði var enn vakandi...hann var sko á næturvakt...en hann hefði verið farinn að sofa...nema af því að hann langaði að knúsa mig Yndislegast.

En núna ætla ég að fá mér morgunmat og vinna ákveðið verkefni sem ég hef frestað undanfarið...en þetta þarf að vera klárt í kvella þegar til mín kemur kona til að heyra hvað ég hef fram að færa...

Njótið dagsins og þess sem lífið hefur upp á að bjóða...

Að lokum þetta úr gömlu afmælisdagbókinni minni um persónu fædda 8. nóv.:

Þú ert mjög listrænn að eðlisfari og þráir fegurð, samstillingu og skraut í kringum þig.  En þú ert mjög samvizkusamur og ábyggilegur, og gæddur skilningsgóðum gáfum.  Þú hefur meðfædda hæfileika til hljómlistarstarfa.  Þú giftist sennilega snemma,og þar sem tilfinningar þínar eru mjög rómantískar, muntu bæði njóta mikillar hamingju og einnig verða fyrir sárum vonbrigðum.

---hvað segiði um þetta??? 

 

Hæ hó

Var að koma heim úr vinnu...og er alveg að fara að sofa...varð bara aðeins að kíkja á netið fyrst ...þarf að vera hress í fyrramálið...vekja börn og koma þeim af stað...og koma sjálfri mér af stað, á aftur date við Grétu í ræktinni...

Gaman í vinnunni, gleði, gleði, gleði...þið vitið

Gone to bed...Góða nótt... 

Lífið er svo yndislegt!!

Var að lesa komment frá vinkonu minni á danska blogginum mínu...og fékk tár í augun og "klúmp í halsen"...kökk í hálsinn, heitir það víst.  Vá, hvað ég sakna hennar...og margra annara.  Og þess vegna þykir mér lífið yndislegt, því ég er svo lánsöm að "eiga" marga vini, marga í Danmörku.  Ef ég "ætti" ekki þessa vini þá myndi ég ekki sakna þeirra, svo það er gott að sakna þó það geti verið sárt.

Í vinnunni í gær var ég að ganga um eftir hádegismatinn og bjóða kaffi...og sönglaði; "Kaffi, kaffi, kaff, kaff...má bjóða þér kaffi" og þá segir einn íbúinn við mig; "Já, takk, og viltu syngja meira?".  Ég fór alveg í flækju...hahaha...en get þó með ánægju sagt að ég syng mikið, og alveg slatta í vinnunni líka.  Sérstaklega yfir morgunmatnum...þá hlustum við oft á geisladiskinn "Óskalög sjómanna" og þá get ég ekki staðið kyrr og þagað neibb, ég verð að syngja með og dilla mér. 

Já, það er sko gaman að lifa.

Gleðisöngurinn hljómar í höfðinu á mér;

Gleði, gleði, gleði,
gleði líf mitt er,
því að Æðri Máttur það gefið hefur mér.
Ég vil að þú eignist þetta líf,
því að það er;
GLEÐI, GLEÐI,
gleði alla tíð.

---

Var að koma heim úr ræktinni.  Ég er komin með "ræktarvin", ein sem vinnur með mér.  Mjög gaman að hafa einhvern með.  Setjumst niður eftir ræktina og drekkum kaffisopa og ræðum lífsins gögn og nauðsynjar Oooohhh, ég elska að kynnast nýju fólki.  

Það að elska að kynnast nýju fólki er einmitt hluti af þessu gleðilífi sem ÆM hefur gefið mér, því áður var ég svo hrædd að ég þorði ekki að kynnast fólki...var hrædd um að vera ekki nógu góð, hrædd um að fólki mislíkaði ég eða það sem ég gerði eða sagði...  

Þannig er það ekki lengur og fyrir það er ég SVO MIKIÐ þakklát fyrir.  Yndislegt líf.

Ást og friður til ykkar allra þarna úti

 

bara smá...

...svo þið saknið mín ekki eins mikið eða kannski afþví að ég held ég sé ómissandi...

...anyways...

Ég var að koma heim, búin að vera að heiman síðan 7.45 í morgun...fyrir utan hálftíma í kvöld þegar ég kom heim með drengina og kom þeim í rúmið.  

Var sko að vinna...svo versla...svo stuðstund í bekknum hennar ÓÓ...svo heim að hátta drengina...svo fundur...

ÞREYTT!!!!!!!!

Skrifa meira á morgun, ætla í bælið núna svo ég geti staðið við "aftalen" sem ég á við Grétu, sem ég vinn með...við ætlum að hittast í ræktinni kl. 8.00!!!

Ást og friður... 

Ps. Sindri, ertu búinn að sjá myndirnar sem ég setti inn af húsinu í gær??? Hér er ein...þetta er stofan...

Lítið að frétta

Átti yndislega stund með Elínu á föstudagskvöldið, eins og ég hef áður sagt.  Var svo á fundi á Selfossi fram eftir degi á laugardeginum...síðan var brunað í bæinn og beint í mat til tengdamúttu.  Það var voða ljúft, og náðum við meira að segja að láta taka fjölskyldumynd af okkur ÖLLUM því Bára mætti líka.  Gaman að hitta hana aðeins, stelpuskottið...menntaskólabarnið okkar!!  

Í gær, já, man ekki alveg...jú, ég svaf á mínu græna til kl. 11...þá kom Einar heim úr húsinu til að fara í vinnuna...og tókst honum að koma mér á lappir...

Bakaði kryddbrauð og gerði klárt fyrir sýninguna á íbúðinni.  Fékk heimsókn, dönsk stelpa sem ég kynntist í Danmörku var að flytja á Akranes og kom hún í kaffi með litluna sína, sem er 11 mánaða.

Svo var paragrúppuhittingur, pabbi kom og passaði. Við hjónin áttum yndislegt kvöld í góðra vina hópi.  

Svo er ég búin að vera að senda myndir inn á barnanetið í ALLAN dag, en vantar samt að senda slatta...það eru greinilega svona stórar myndir í myndavélinni nýju svo þetta tekur "hundrede år og en madpakke"!!! 

Fór og tók myndir uppi í húsi, og þær koma inn, ég lofa...þetta tekur bara TÍMA!!!  Kannski næ ég því í kvöld...kannski ekki.

Svo er ég búin að gera jólakortið, og ætla - í vikunni - að pakka þeim jólapökkum sem eru klárir, þá hef ég meiri yfirsýn yfir hvað vantar!!  Vonandi tekst mér að koma þessu öllu svo snemma frá mér í ár að ég geti nýtt mér b-póst...  Hefur aldrei tekist...en einhverntímann verður allt fyrst!!!

Ást... 

Æði pæði!!

Mér finnst ég ríkust.  Átti yndislega kvöldstund með Elínu systir í gær. 

Meira síðar...