Svefngengillinn bloggar!

Shit hvað ég get verið mikil svefnpurka!!  Reyndar fór ég á fætur með krökkunum í morgun...og fannst það svo sem ekki mjög gaman.  Gelgjuskottið okkar var í vægast sagt leiðinlegu skapi og þegar hún er í þeim gírnum þá má Jón Ingvi ekki anda nálægt henni.  Svo hann var reiður og sár, henti skónum hennar út og hún alveg óð, eins og naut í flagi!  Hún var svo örg að hún meira að segja gleymdi að spá í nesti...svo hún kom heim núna í hádeginu og fékk dýrindis steiktan fisk...og var alsæl!  Gott að morgunpirringurinn endist ekki allan daginn!! 

Nema hvað.  Jón Ingvi náði sér líka niður og fór í skólann.

Jóhannes fékk að leggjast yfir eina mynd og ég skreið undir heita sængina hjá mínum heittelskaða og þegar hann svo fór á fætur til að fara upp í hús...já, þá lá ég áfram og STEINrotaðist!  Og ætlaði aldrei að geta vaknað.  Mikið er óþægilegt, finnst mér, að sofna svona aftur.  Gott að sofa reyndar, en alveg skelfilega erfitt að vakna.  Og ég er einhvernveginn asnaleg í hausnum lengi á eftir. 
Samt læt ég mig hafa það og legg mig...læri seint af reynslunni...!

Annars er kjarabarátta víst mál málanna í dag.  Sko, ég vil alveg fá betri laun þó ég tilheyri ekki þeim hópi sem sé að farast úr óánægju.  Kannski vegna þess að ég lifði svo mörg ár á fæðingarorlofi eða SU (danski námsstyrkurinn) og svo auðvitað innkomu Einars.  Svo við erum að fá miklu meira í lófann núna en mörg ár á undan. 
Samt, ég verð að standa með stallsystrum mínum og mæta á fund á eftir...vona að það verði þokkalega skemmtilegt...annars lauma ég mér út...ég þarf hvort eð er að fara fyrr til að sækja Jóhannes í leikskólann...!!

Svo er þessi powertími líka í dag...ojojoj, ég verð sko orðin bikinífær í sumar með þessu áframhaldi!! Það liggur samt við að ég hálf kvíði þessum tíma...er með harðsperrur í maganum eftir tímana í gær og fyrradag...og þá var það bara ég sjálf sem píndi mig...en í dag verða tvær kvennsur með pískinn á lofti...!!

Jamm.  Ekki meir í fréttum í dag.  Best að prjóna smá...er alveg að verða búin með gatamynsturbekkinn á kjólnum...þá kemur smá rósamynstur og svo...svart svo langt sem augað eigir!!!

Knússssss......... 

Athugasemdir

[Guðrún Jóhannesdóttir, 31.1.2008 kl. 13:11]

það er svo notalegt að skríða upp í aftur og kúra

vona að fundurinn verrði ekki drepleiðinlegur hehehehehe 

[SigrúnSveitó, 31.1.2008 kl. 13:51]

Já það er sko notó að skríða upp í aftur...ég bara sofna svo þungt...svo það er alls ekki notó að skreiðlast fram úr aftur...