Sunnudagur til sælu

Svaf til kl 10, þá kom Jón Ingvi og vakti mig því Jóhannes þurfti *skeiningu* svo ég varð að fara framúr. Þá var ég reyndar orðin stirð af rúmlegu. Veit ekki hvar þetta endar.

Góðu fréttirnar eru auðvitað að mér líður betur með hverjum deginum. Ótrúlegt hvað það getur verið mikill dagamunur. 

Hrönn mín sagði um dagðinn; "Þú verður skárri á morgun - ég lofa..." og það var sko alveg satt og rétt hjá henni...að sjálfsögðu! Takk Hrönn mín :) 

Ég var að segja ykkur í fyrradag hvað blóðsykurinn væri óstöðugur, hann var orðinn stabíll í gær.Ég sem sendi Einar að versla, og hann keypti m.a. rúsínur, appelsínusafa og banana...eitthvað sem líkaminn kallar á þegar ég fell í blóðsykri. (Hér áður fyrr hefði Snickers verið það eina sem virkaði)

Ég lagði mig bara einu sinni í gær. Svo þetta er allt á réttri leið :)

Núna er prinsessan okkar að stjana við mig, er að rista brauð og smyrja handa mér. Eintóm sæla.

Strákarnir eru með Queen í gangi á Youtube, bara notalegt :) 

Einar er í borginni á fundi. Vitiði, hann er svo duglegur, hann var á fullu frá 9 í gærmorgun til 22.00 í gærkvöldi í húsinu. Svo fór hann á fætur kl. 7 til að mæta á fund í Reykjavík kl 9. 

Svo er okkur boðið í fertugsafmæli í dag hjá frænda Einars og ég held við bara smellum okkur þangað. Við látum okkur bara hverfa snemma ef ég verð alveg búin á því - tek því rólega fram að brottför

Molinn:

"Segðu ekkert illt um annan mann, einkum ef þú veist ekki með vissu hvort það er satt. Og ef þú veist það spyrðu þá sjálfan þig fyrst: Hvers vegna ætti ég að segja það?"

- J.C. Lavater

Athugasemdir

[Hrönn Sigurðardóttir, 25.1.2009 kl. 11:20]

Frábært að þetta er allt að koma hjá þér

[Úrsúla Manda , 25.1.2009 kl. 20:49]

Það er mér alveg óskiljanlegt hvernig þú getur bara EKKI borðað sælgæti?? Ég skil það ekki! Og fengið þér banana og rúsínur til að svala sykurþörfinni... nei þetta er bara ofar mínum skilning