Örstutt...

22.1.2009 | 22:53

...fyrir svefninn.

Ég er komin heim, bara ljúft. Reyndar var farið vel með mig á SHA, en það er alltaf best að vera heima.

Einar eldaði þvílíkt góðan mat handa okkur, grillaði lambalærisneiðar og hafði ofnsteiktar kartöflur og piparostasósu með...slafr... Ég borðaði yfir mig. Sick

Yndislegt að vera með í lífinu heima aftur, knúsa og fá knús fyrir nóttina. InLove Að upplifa að geljukrúttið okkar er enn svo mikið stelpuskott, þó hún sé á fullu að reyna að slíta sig frá okkur. Engin drama*köst* í kvöld þó, en smá *urr* samt Wink

Ég er nokkuð hress en ætla mér að taka fyrirskipun læknisins eins alvarlega og ég mögulega get...ég má EKKERT gera í heila viku!!! Ekki auðvelt...sérstaklega þar sem ég er vön að sjá um heimilið í mínum *frítíma* enda Einar í húsbygginu í sínum *frítíma*. En hann klárar þetta eins og ekkert sé, þessi elska.

Svo á ég að mæta til doktorsins 11. feb. og þá ákveðum við hvenær ég má byrja að vinna aftur (ég reikna með að byrja 12. feb...) og hvenær ég má byrja að æfa og fæ læknisvottorð og ef það er fleira sem ég man ekki núna...

Jamm. Ég get lítið annað sagt en lífið er dásamlegt.

Molinn í dag er stuttur en hann segir nákvæmlega það sem þarf:

"Hamingjan er ferðalag, ekki áfangastaður."

Flokkur: Bloggar | Facebook