Mikil gleði hjá mér :)

Einar sagaði gamla borðplötu í sundur fyrir mig í dag, og setti hana upp í einu horninu í þvottahúsinu, svo nú er ég komin með smá borð til að brjóta saman þvott. Hann setti líka upp hillu, fyrir ofan þvottavélina og 5 króka til að hengja upp íþróttatöskur og þurr sundföt! Núna þurfum við bara að kaupa grindur+skúffur í skápana og setja upp eina slá, þá er þvottahúsið bara algerlega tilbúið!!

Þetta er bara sæla. Þarna inni eyði ég þrátt fyrir allt slatta mörgum klukkutímum svo þetta er eintóm sæla

Jamm. Gleðin er allsráðandi.

Ragnhildur, Inga og Hjördís Huld komu að heimsækja okkur í dag. Þær eru sannar perlur, sem tindra skært. Mikil gæfa að eiga þær að. Yndislegar stelpur. Takk fyrir heimsóknina, elskurnar mínar.

En núna ætla ég að fara að glápa á eitthvað með mínum heittelskaða...

Molinn:

"Fjórir hlutir koma ekki aftur: Ör sem hefur verið skotið, talað orð, ónýtt tækifæri og líf sem hefur verið lifað."

- Omar Ibn-Khattob

Athugasemdir

[Hrönn Sigurðardóttir, 10.1.2009 kl. 21:52]

[JEG, 11.1.2009 kl. 11:07]

Frábært.  Það munar svo mikið um góða aðstöðu. 

[Ásdís Sigurðardóttir, 11.1.2009 kl. 12:16]

Góð lokaorð hjá þér

[Ragnhildur frænka (IP-tala skráð) 11.1.2009 kl. 21:59]

Takk fyrir okkur sæta mín .. yndislegt að koma til ykkar eins og alltaf.  Þið eruð svo miklir gullmolar :)