ekkert gláp

Nei, það varð ekkert úr sjónvarpsglápi frekar en fyrri daginn.  Gerði ýmislegt annað.  Ég t.d. bauð nágrannakonunni úr himnaríki í kaffi og hún hafði ekki fyrir því að svara, hvað þá meira!!!  Svona kerlingar sko, ég meina það!!!

Svo bjó ég til Daimístertu (Sindri, taktu eftir: DAIMÍSTERTU!!!) og konfektkúlur að hætti Sollu á Grænum (eða Sollu sem var á Grænum).  Þetta er sem sagt eftirréttur fyrir annað kvöld.  Ekki vil ég að hann Jónsi frændi minn horfalli af því einu að koma í heimsókn á Skagann...!!!  Það væri nú ekki í frásögur færandi...úff...ég fæ nú bara illt við tilhugsunina, hvað myndi fólk ekki halda um mig ef fólk tæki upp á því að grennast eftir matarboð hér...ónei, ég bara get ekki meir....

Eins og þetta sé ekki nóg?!   En það var sko meira.  Ég átti notalega stund með dóttir minni við konfektgerð, við spjölluðum og við sungum, og gerðum grín og gys...henni finnst ég gömul!!!  Hafiði heyrt annað eins?!  Ég skil ekki hvað hún meinar...hehe...jú, ég man hvernig þetta var...

Nú ætla ég að fylgja prinsessunni í bælið og ætli ég skríði svo ekki sjálf í mitt fleti og velgi það áður en bóndinn kemur dauðþreyttur heim... 

Athugasemdir

[Valdís (IP-tala skráð) 14.10.2006 kl. 11:50]

Viltu plís senda mér þessar uppskriftir? Ég fæ vatn í munninn og dreplangar að búa svona til!!

[SigrúnSveitó, 14.10.2006 kl. 14:07]

jamm, geri það. sendi á mailinn.

[Gurrí (IP-tala skráð) 14.10.2006 kl. 20:18]

AAAr4rrrggggg, ég er ekkert smáspæld að hafa ekki séð þetta. Læt þetta mér að kenningu verða og tékka bloggið mitt héðan í frá á 10 mínútna fresti ... þótt ég sé bara með gamaldags módem. Ég hefði sko komið í kaffi og líka étið eftirréttinn, Daim-tertuna. Nema ef þú hefðir skrökvað að mér að hún væri full af hnetum, möndlum, döðlum og rúsínum.
Ég kíki bráðum. En þú ert líka með gemsanúmerið mitt og ekki leiðinlegt að fá sms með kaffiboði. Knúsaðu svo krakkana í köku frá mér. Skilaðu ögn virðulegri kveðju til karlsins, því hann hef ég ekki hitt enn.

[SigrúnSveitó, 14.10.2006 kl. 21:40]

það eru möndlur í daimtertunni!!!

[SigrúnSveitó, 14.10.2006 kl. 21:43]

og náttúrlega döðlur og hnetur í konfektkúlunum...

En já, ég er með gsm-númerið þitt, var einmitt að spá í að sms´a á þig...geri það næst.