Afmælisbarn dagsins...

...er Inga Hrönn.

Elsku Inga mín, innilega til hamingju með afmælið.  Ég er nokkuð viss um að dagurinn verður góður hjá þér.  Megi sólin halda áfram að skína í lífi þínu um ókomna tíð, elskan mín.

Ég hitti Ingu fyrst fyrir rúmu ári síðan, eða á Neistaflugi 2006.  Inga er eiginkona Ragnhildar frænku minnar.  Mér finnst svo yndislegt að fylgjast með þessum tveimur yndislegu konum, þær eru góð fyrirmynd í lífinu.   

Athugasemdir

[inga (IP-tala skráð) 15.10.2007 kl. 11:50]

Takk elsku Sigrún fyrir falleg orð og myndin af hattinum er auðvitað dásamleg:)

[Lilja Guðný Jóhannesdóttir (IP-tala skráð) 15.10.2007 kl. 13:14]

Hæ elskan mín.

Frábært að sjá myndir af húsinu - þetta verður æði. Ég verð græn af öfund, og þá meina ég á jákvæðan hátt. Ég held að það sé æði að byggja sér hús eftir sínu höfði, búa í nýju húsi þar sem þarf ekki að fara að laga hitt og þetta. Og því gleðst ég svo sannarlega fyrir ykkar hönd. Já, og mína því það verður nóg pláss fyrir mig að koma í heimsókn með allt mitt fólk ;-).

Hann Einar er svo sannarlega duglegur. Vonandi verður hann duglegur að hvíla sig þegar þetta er yfirstaðið. Annars held ég að hann eigi ekkert auðveldara með að slaka á heldur en ég - s.s. getur það ómögulega ;-)

Sokkarnir sem ég skoðaði á heimasíðunni eru stórkostlegir. Ef þú hefðir minna að gera elska mín mundi ég biðja um sokka. En ég panta kannski eina í ellinni ;-)

Ég fékk nýja uppskrift af kjúklingarétti sem ég ætla að deila með þér.

Kjúklingabringur settar í eldfast mót, krukka af grænu pestó sett yfir, þar yfir fetaostur úr krukku (ekki láta alla ólíuna fara með) og loks ferskir tómatar sneiddir og látnir yfir. Ég mundi nota fullt af tómötum því það varð svo lítið úr þeim þegar þeir voru eldaðir. Inn í ofn í ca 40 mín - ja, eða eins lengi og þér finnst þurfa að elda bringurnar. Ég er með salmonellufóbíu svo mér hættir til að elda kjúkling og lengi ;-). Borðað með hrísgrjónum og salati. Þar sem það passar ekki að setja líka fetaost í salatið þá er til salatsósa sem heitir balsamik syrup sem er víst frábært að nota með. Rándýr flaska en endist víst von úr viti. Því miður fékkst sósan ekki í búðinni hér þegar ég ætlaði að kaupa mér hana. Já, og svo finnst mér möst að vera búin að rista sólblómafræ, graskersfræ og furuhnetur (gusa svo smá sojasósu út á það áður en það er tekið af pönnunni) til að nota með salatinu. Og svo eru þetta haft í skál á eldhúsborðinu sem nasl næstu daga (þ.e. kornin), eða eins lengi eins og þau endast.

 Kveðja, Lilja

[Ásdís Sigurðardóttir, 15.10.2007 kl. 23:49]

Það er ekkert smá sem Einari þínum gengur vel með höllina.  Dóttir mín er algjörlega ALSÆL með sokkana sína, á ekki til orð af hrifningu, sendi þakklæti til þín fyrir að hafa prjónað svona fallega sokka.  Knús til ykkar mín kæra.