Ég elska þessa sögu

Sagan er um mann sem var að ganga í gegnum mikla erfiðleika. 

Svo mikla, að hann hélt hann kæmist aldrei uppúr þeim. 

Mörgum árum síðar, sat hann hjá Jesús og þeir fóru saman yfir líf hans.  Fótsporin í sandinum voru alltaf tvö, þ.e. hans fótspor og einnig fótspor Jesús sem fylgdi honum hvert sem var. 

Þegar þeir skoðuðu erfiðustu lífsreynslu mannsins, sá hann sér til skelfingar að á þeim tíma sem mest á reyndi, hvarf Jesús og eingöngu hans eigin spor voru í sandinum.  Jesús sem alltaf hafði gengið með honum, hafði yfirgefið hann á þessum erfiðasta tíma. Hann spurði hvers vegna Jesús hefði yfirgefið hann þear hann hafði þurft mest á honum að halda.

Jesús tók manninn í fang sér og sagði "ég gekk alltaf við hlið þér, en þegar ég fann að þú gast ekki meira, vegna þrenginganna, þá tók ég þig í fang mitt og bar þig í gegnum erfiðleikana. 

Fótsporin sem þú sérð ein í sandinum, eru mín fótspor".

Athugasemdir

[Soffía Valdimarsdóttir, 12.10.2008 kl. 19:54]

Mikil ósköp og skelfing væri það nú notalegt ef þetta gæti verið svona. Það sanna í málinu er að Jesús er þjóðsaga. Guð er kærleikur sama hvaða nafni við nefnum hann en öll trúarbrögð eru manngerð og þar af leiðandi ótraust og ósönn.

[Gunnar Jóhannesson (IP-tala skráð) 12.10.2008 kl. 22:33]

"Það sanna í málinu er að Jesús er þjóðsaga", segir Soffía. Vilt þú leggja fram haldbær rök fyrir þessari staðhæfingu? Ég mundi gjarnan vilja heyra þau.

"Guð er kærleikur sama hvaða nafni við nefnum hann", segir Soffía líka. Þetta er mjög röng staðhæfing. Samkvæmt kristinni trú hefur Guð sannarlega marga aðra eiginleika en kærleika. Og þegar litið er til trúarbragða heimsins er ljóst að guðsskilningur þeirra er svo ólíkur að þessi staðhæfing getur einfaldlega ekki verið sönn.

 "En öll trúarbrögð eru manngerð" segir Soffía líka. Á hverju er sú staðhæfing byggð? Og ef allt manngert er ótraust og falskt hvað stendur þá eftir? Eru þá ekki allar skoðanir rangar hvaða nafni sem þær nefnast? Er þessi skoðun þín Soffía ekki "manngerð" í sama skilningi og þar af leiðandi ótraust og ósönn?

[JEG, 12.10.2008 kl. 22:46]

Svo gott að lesa þetta af og til.

Eigðu ljúfa viku framundan mín kæra. 

[Úrsúla Manda , 12.10.2008 kl. 23:38]

Já er sammála, þetta er yndisleg lesning.

[Valdís Stefánsdóttir (IP-tala skráð) 13.10.2008 kl. 07:33]

Ofsalega er gott og hollt að lesa þetta akkúrat núna. Knús

[Tína, 13.10.2008 kl. 07:54]

Ég er sammála því að þessi sígilda saga er alltaf jafn fersk og góð. Og á erfiðum stundum er gott að hugsa til hennar.

Knús inn í daginn þinn yndislegust og takk fyrir þessa áminningu.