Fimmtudagur...

...og alveg að koma helgarfrí...hjá mér og börnunum...  Og úti er alltaf að snjóa!!  Í staðinn fyrir að pirrast yfir snjónum og þar með þæfingi á götunum, eins og alltof margir gera, hef ég einsett mér að sjá snjóinn með augum barnanna minna: AUGUM GLEÐINNAR!!!

---

Ákvað að sýna ykkur mynd af mér með hattinn sem ég var að prjóna þarna um daginn!  

Bara svona til að gleðja augu ykkar

Annars er ég mjög ánægð með útkomuna og er alvarlega að spá í að prjóna mér svartan og rauðan og...og...!  

Ég er sko ekki enn búin að útvega mér lopa í allt þetta sem ég ætla að fara að prjóna mér...þyrfti nú að drífa í því!  Langar að fara að byrja.

---

Heyrðu, svo ég segi ykkur nú líka frá hraðsuðukatlinum sem mér áskotnaðist hérna fyrir jólin!  Viljiði sjá þessa dýrð!!!

Hann er sko einu ári eldri en ég og virkar svona líka rosalega vel.  (Og ég skipti sko sjálf um kló...hef ekki gert svoleiðis í háa herrans tíð...eða ekki síðan ég var rúmlega tvítug piparjúnka...).

En málið með þennan ketil er að foreldrar mínir fengu hann í tvítugsafmælisgjöf, sem sagt árið 1969 og þau voru svona ægilega lukkuleg með hann, eins og ég er núna, einhverjum 38 árum síðar!  Og það besta er að þau bjuggu í Danmörku á þeim tíma og það er enn danskt kalk innan í katlinum!  Spurning hvort ég leyfi því að vera eða smelli smá ediki í hann og hreinsi það úr...kannski myndi hann bara bila ef það yrði fjarlægt...enda LÖNGU orðið hluti af katlinum!   

Jæja, held ég hætti að röfla þetta...

Athugasemdir

[Bryndís R (IP-tala skráð) 17.1.2008 kl. 22:03]

Geggjaður hattur og flottur ketill

[Ásdís Sigurðardóttir, 17.1.2008 kl. 22:06]

Þú er sko flott með hattinn skvís. Ketillinn er alveg magnaður. 

[Hrönn Sigurðardóttir, 17.1.2008 kl. 22:15]

Flottur hattur og hey ég sá svona ketil um daginn í Fríðu Frænku - kostaði heil gersemi

[SigrúnSveitó, 17.1.2008 kl. 22:21]

Ég er ALLTAF að græða greinilega!!!

[Guðrún Jóhannesdóttir, 18.1.2008 kl. 01:27]

gæti grenjað úr mér augun, átti svona ketil og HENTI honum  aaaarg!

ekki edik það gæti kostað hann "lífið"  enda danskt kalk bara hið besta mál hehehehe

[Guðrún Jóhannesdóttir, 18.1.2008 kl. 01:27]

p.s. gleymdi!  sætur hatturinn þinn og klæðir þig svona assskoti vel

[Linda Lea Bogadóttir, 18.1.2008 kl. 11:56]

oh flottur hattur :D
Góða helgi

[Hugarfluga, 18.1.2008 kl. 12:27]

Myndarlega kona! Rosalega flott húfa (hattur) og ketillinn er algjör gersemi! Man eftir svona katli af æskuheimili mínu Hafðu það gott í snjónum!

[Gunnar Páll Gunnarsson, 18.1.2008 kl. 21:05]

Úff, svona líka flottur ketill, mátt alls ekki kalkhreinsa hann, þú sýður nefnilega núna vatn upp á dönsku og það er málið.

Ekki er húfan síðri. 

[hofy sig, 19.1.2008 kl. 20:44]

Flottur ketill, ég held að ég eigi einn slíkan, aðeins öðruvísi þó, hann áttu mamma og pabbi, ég trúi ekki að ég hafi hent honum, þarf bara að leita, svo á ég líka svona handvöfflujárn, alveg geggjað, það er frá ömmu og afa, ég meira að segja notaði það alltaf einu sinni í að grilla brauð, brauðið var svo ótrúlega gott úr því, það er til að setja á hellu og snýr maður því bara við.

Knús á þig.