ojojoj

Ég skil ekki hvað er hlaupið í magann á mér... Síðan ég fékk þessa magapest fyrir rúmum 3 vikum (eða tæpum 4) hef ég fengið annað slagið svona geðveikt ógleðikast.  Ligg á sófanum og líður ömurlega.  Í dag fylgdi hausverkur...eða þá að ógleðin tengdist hausverknum...!!  Don´t know.

Hins vegar er ég eitthvað sjúkdómahrædd þessa dagana...ætti kannski að fara í heilsufarstékk (eins og sumir vinnustaðir bjóða reglulega upp á)?!!  Hef einu sinni farið í blóðtékk, svona til að ath með kólesteról...og svoleiðis, því það eru hjarta-og æðasjúkdómar í ættinni...ættunum mínum.  

---

Nóg um það.

Hér stendur yfir gelgjupartý.  Ólöf Ósk bauð stelpunum úr bekknum í síðbúna afmælisveislu.  Það voru steiktir hamborgarar ofan í liðið og svo liggja þær inni og horfa á einhverja bíómynd og troða í sig snakki og nammi.  Það er víst mál málanna...!!  13 stelpur og lokaður gluggi = táfýla og súrefnisleysi!! Vona að þær fái ekki hausverk...af súrefnisleysinu...!!

Ég og Jóhannes voru í fríi í dag.  Dútluðum okkur í morgun, fórum seint á fætur, fórum í bað og áttum góðan tíma saman.  Svo skruppum við í nokkrar búðir og síðan í kaffi á efstu hæðina.  Það var voða gaman hjá okkur.  Fórum heim rétt í þann mund sem ógleðin og höfuðverkurinn var að hellast yfir mig :( 

Jamm...best að prjóna smá...svo er foreldrafundur í sundhópnum hennar ÓÓ á eftir, út af Esbjerg-ferðinni sem hópurinn fer í, í maí.  Afar spennandi.

Meira síðar...

Ást... 

Athugasemdir

[Hrönn Sigurðardóttir, 12.11.2007 kl. 20:15]

Ertu nokkuð ólétt?

Um að gera að láta tékka á blóðfitunni og blóðþrýstingnum reglulega!! Mæli með því. Við förum með bíla í skoðun einu sinni á ári - ekki satt?

Knús

[SigrúnSveitó, 12.11.2007 kl. 20:31]

neibb, ekki ólétt!!

[Ásdís Sigurðardóttir, 12.11.2007 kl. 22:06]

13 stelpur og táfýla, minnir mig á strákaherbergi, 7 strákar, táfýla og tippalykt  ojjjj.   Vona að þér batni sem fyrst skottið mitt.